GAZË | SUBJEKTI POLITIK FATAH: REZULTATET PARAPRAKE TREGOJNË SE KEMI FITORE DËRRMUESE.

Gazë | Ndërsa numërimi i votave për zgjedhjet komunale në Bregun Perëndimor dhe qytetin Deir El-Balah të Gazës është ende duke u zhvilluar, subjekti politik Fatah deklaroi se listat e saj zgjedhore “Qëndrueshmëri dhe Bujari” fituan një fitore dërrmuese në zgjedhjet komunale të vitit 2026.

Subjekti politik Fatah njoftoi fitoren në shumicën e këshillave vendore, duke përfshirë Hebronin, Tulkarmin, Salfitin, Al-Birehin dhe Jeninin, qytete në Bregun Perëndimor verior ku Autoriteti Palestinez ishte akuzuar më parë se kishte humbur kontrollin ndaj organizatës terroriste Xhihadi Islamik Palestinez, një aleate e Hamasit.

Fatahu, e drejtuar nga Autoriteti Palestinez, gjithashtu pretendoi se kishte formuar 197 këshilla komunale dhe fshatrash me konsensus, në koordinim me fraksionet kombëtare.

Sa i përket Deir El-Balah-ut në Gazë, ku votimi u zhvillua për herë të parë që nga viti 2006, listat kundërshtare të Fatah-ut gjatë fushatës aktuale zgjedhore konsiderohen të afërta me z. Mohammad Dahlan, rival i z. Abu Mazen, në mërgim në Emiratet e Bashkuara Arabe dhe themelues të krahut reformist të Fatahut.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit