FSHATI GOLEM; KAVAJË | DAVID KONDO DHE ELUERT QOSE (TË PUNËSUR PRANË SUBJEKTIT TREGTAR “DIAMMA RESORT”) U ARRESTUAN; U HYNË ME DAJAK TURISTËVE TURQ; 2 VETA NË SPITAL.

Fshati Golem, Kavajë, Shqipëri | Në funksion të luftës institucionale ndaj Agjenturës së Krimit Ordiner strukturat vendore të Policisë së Shtetit arrestuan:

1- Z. David Kondo, me moshë 33 vjeç.

2- Z. Eluert Qose, 37 vjeç (të punësur pranë subjektit tregtar “Diamma Resort”).

Ata konsiderohen të përfshirë në sulm verbal dhe fizik ndaj disa pushuesve turq që po festonin në qefin e tyre; duke ngrënë, pirë, e folur me zë të lartë.

Njoftim | U konfliktuan fizikisht dhe me sende të forta, me 5 pushues turq, arrestohen 2 shtetas dhe procedohen penalisht 2 të tjerë (punonjës në subjektin ku ndodhi konflikti).

Menjëherë pas njoftimit për një konflikt ndërmjet disa shtetasve, në një lokal në plazh, në Golem, shërbimet e Stacionit të Policisë Plazh organizuan punën dhe shkuan në vendngjarje, me qëllim identifikimin dhe nxjerrjen përpara përgjegjësisë penale, të shtetasve përgjegjës.

Në vijim të veprimeve procedurale për rastin:

-u arrestuan në flagrancë shtetasit D. K., 33 vjeç dhe E. Q., 37 vjeç, të dy banues në Durrës, përkatësisht menaxher dhe punonjës në hapësirën e plazhit në këtë subjekt, për veprat penale "Plagosja e rendë me dashje", kryer në bashkëpunim, dhe "Prishja e qetësisë publike", pasi dyshohet se gjatë konfliktit për motive të dobëta, kanë goditur me sende të forta, 2 pushues turq;

-u referuan materialet në Prokurori, ku nisi procedimi në gjendje të lirë, për veprat penale "Plagosja e lehtë me dashje", kryer në bashkëpunim, dhe "Kanosja", për shtetasit I. Sh., 48 vjeç dhe T. D., 49 vjeç, përkatësisht banakier dhe punonjës sigurie në këtë subjekt, pas dyshohet se kanë goditur dhe kanosur 3 shtetas turq.

Materialet procedurale iu referuan Prokurorisë së Durrësit, për veprime të mëtejshme, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit