FRANCA MIRËPRET MBËRRITJEN E NËNDETËSES SË KLASIT TË DYTË SUFFREN.

Paris, Francë | Aftësitë detare të Francës rriten akoma më shumë, ndërsa Drejtoria e Përgjithshme e Armatimit (DGA) mirëpret zyrtarisht Duguay-Trouin, e dyta nga gjashtë nëndetëset e sulmit bërthamor të klasit Suffren (SSN) të zhvilluara në programin Barracuda. Me dorëzimin e kësaj nëndetëseje, Franca vazhdon të përmirësojë aftësitë e saj detare, dhe të forcojë pozicionin e saj si një forcë kryesore detare globale. Rusia, Franca dhe Britania e Madhe janë tre vendet e vetme në Evropë që po blejnë nëndetëset sulmuese me energji bërthamore si zëvendësim për SSN-të ekzistuese, që tani janë në shërbim, sipas raportit të GlobalData “The Global Submaine Market 2023-2033”. Në një njoftim për shtyp të datës 28 korrik 2023, DGA konfirmoi pritjen e suksesshme të Duguay-Trouin, duke shënuar një moment të rëndësishëm në përpjekjet e modernizimit detar të Francës. Kjo arritje vjen pas provave dhe testimeve rigoroze të kryera në det, gjatë disa muajve, duke siguruar funksionimin e sistemeve, dhe pajisjeve të nëndetëses. Këto prova në det u ekzekutuan nën mbikëqyrjen e DGA, në bashkëpunim të ngushtë me Komisionin e Energjisë Atomike dhe Energjive Alternative, dhe në partneritet me entitete si Marina Franceze, Naval Group, dhe TechnicAtome. Sipas raportit të GlobalData: “France Defence Market 2023-2028”, qeveria franceze porositi gjashtë anije të reja SSN të klasit Barracuda (ose të klasit Suffren) nga Naval Group për një kosto totale prej 10.4 miliardë eurosh, ose 12.4 miliardë dollarësh, ose 1.3 miliardë euro (1.6 miliardë dollarë) për një nëndetëse. Mbërritja e Duguay-Trouin pason dorëzimin e mëparëshëm të nëndetëses Suffren në Marinën Franceze në nëntor të vitit 2020. Si pjesë e programit më të madh Barracuda, i cili synon të rigjallërojë flotën detare të vendit, nëndetëset e mbetura (Tourvile), de Grasse, Rubis, dhe Casabianca) janë aktualisht në ndërtim e sipër, me dërgesa të planifikuara që shtrihen deri në vitin 2030. Kjo përpjekje gjithëpërfshirëse përputhet me qëllimet strategjike të përshkruara në Ligjin e Programimit Ushtarak 2024-2030, duke treguar angazhimin e palëkundur të Francës për të ruajtur aftësinë e saj detare. SSN-të e klasit Suffren, duke përfshirë Duguay-Trouin të marrë së fundmi, përfaqësojnë aftësi të avancuara detare. Këto nëndetëse janë krijuar për të përmbushur misione të ndryshme, të tilla si mbështetja e parandalimit, mbrojtja e grupit ajror detar, mbledhja e inteligjencës, përfshirja në luftën kundër nëndetëseve, dhe ekzekutimi i operacioneve luftarake kundër anijeve. Veçanërisht, ata i tejkalojnë paraardhësit e tyre të klasës Rubis në shpejtësi, qëndrueshmëri dhe shkathtësi, për shkak të sistemeve të tyre dhe aftësive të zgjeruara. Përfshirja e raketës detare të lundrimit u lejon këtyre nëndetëseve të angazhohen në objektiva tokësore të vendosura qindra kilometra larg, duke rritur më tej dobinë e tyre strategjike. Provat e suksesshme detare të Duguay-Trouin, të cilat përfshinin teste të stabilitetit, performancës dhe sistemeve luftarake, vërtetuan gatishmërinë e nëndetëses për të lundruar në mënyrë të sigurt dhe efektive. Ekspertët teknikë nga Qendrat e Ekspertizës Detare të DGA analizuan të dhënat e mbledhura nga këto prova, duke vërtetuar aftësitë teknike të nëndetëses. Me ardhjen e Duguay-Trouin, Franca është e gatshme të ushtrojë ndikimin dhe praninë e saj strategjike në oqeanet e botës. Nga z. Erton Duka.

© Copyright | Agjencia Telegrafike Vox