DREJTUESI NË POLICINË E SHTETIT DORIAN MUÇA U DIPLOMUA NË AKADEMINË E UDHËHEQJES SË DEPARTAMENTIT TË SIGURISË KOMBËTARE TË SHBA-ës.

Tiranë, Shqipëri | Ambasada e Shteteve të Bashkuara të Amerikës në Tiranë përgëzoi sot drejtuesin në Policinë e Shtetit, Dorian Muça, Shef Sektori në Drejtorinë e INTERPOL-it në Policinë e Shtetit, Departamenti i Marrëdhënieve Ndërkombëtare, për diplomimin e suksesshëm në Akademinë e Udhëheqjes së Departamentit të Sigurisë Kombëtare të SHBA (DHSLA).

Sekretari i DHS, Alejandro Majorkas (Mayorkas), së bashku me drejtorin e Qendrave Federale të Trajnimit për Zbatimin e Ligjit (FLETC) Benxhamin C. Hafmen (Benjamine C. Huffman), i paraqitën z. Muça certifikatën e tij si i diplomuar në klasën e 20-të, të DHSLA-së, më 15 gusht 2024, në Glinko (Glynco), Xhorxhia (Georgia).

DHSLA ofron një mundësi unike për drejtuesit në fushën e zbatimit të ligjit dhe drejtuesit në rritje për të zhvilluar dhe përmirësuar aftësitë e tyre drejtuese.

Programi përdor studime të rasteve, ushtrime praktike dhe mësim autodidakt, dhe përfshin module mbi parimet e policisë së shekullit të 21-të, mirëqenien dhe qëndrueshmërinë, dhe udhëheqjen gjatë krizave.

Ky program dinamik dy-javor mblodhi së bashku 28 drejtues të zbatimit të ligjit dhe staf të nivelit komandues nga agjencitë në mbarë botën për të forcuar aftësitë e tyre dhe për të mësuar rreth burimeve të nevojshme për të penguar kërcënimet në zhvillim ndërsa lundrojnë në peizazhin në ndryshim të zbatimit të ligjit.

Ambasada e SHBA në Tiranë, Departamenti i Drejtësisë dhe FLETC shprehen krenarë që janë partnerë me Shqipërinë për të forcuar sundimin e ligjit.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit