BULLGARI | PRESIDENTI RUMEN RADEV DHA DORËHEQJE; DO TË KANDIDOJË NË ZGJEDHJET E PARAKOHSHME.

Sofje, Bullgari | Në një vendim të papritur, presidenti bullgar Rumen Radev njoftoi dorëheqjen e tij.

Ai e bëri këtë në një fjalim drejtuar kombit, në të cilin, njoftoi qëllimin e tij për të kandiduar në zgjedhjet e parakohshme të përgjithshme të planifikuara për këtë pranverë, duke shpresuar të jetë një faktor politik vendimtar, falë popullaritetit që gëzon në vend.

Lëvizja e Presidentit Radev është e pashembullt në historinë e Bullgarisë.

Detyrat e tij do të kryhen duke filluar nga nesër nga zëvendëspresidentja Iliana Jotova (Yotova).

Javën e kaluar, Presidenti Radev u përball me mungesën e qeverisjes dhe paqëndrueshmërinë politike të vendit pasi pranoi dorëheqjen e kryeministrit Rossen Zheliazkov, të partisë konservatore GERB, pas protestave në rrugë kundër korrupsionit dhe pasi u përpoq pa sukses të shqyrtonte mundësinë e formimit të një shumice të re.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit