BOLIVI | QEVERIA NJOFTOI ARRESTIMIN E PROKURORIT TË PËRGJITHSHËM TË PËRKOHSHËM LUIS MONTANO.

La Paz, Bolivi | “Qeveria boliviane ka njoftuar se policia do të arrestojë Prokurorin e Përgjithshëm të përkohshëm, Luis Montano, i akuzuar për uzurpim të detyrës së tij dhe pengim të hetimit ndaj zyrtarëve të lartë të arrestuar në rastin e trafikantit të drogës nga Uruguai, Sebastian Marset”.

Kështu njoftoi zëdhënësi i presidentit, Jose Luis Galvez, duke shtuar se prokurori i përgjithshëm i përkohshëm Montano po përpiqet gjithashtu të shkarkojë prokurorët që merren me ankesat kundër zyrtarëve të arrestuar.

Prokurori i përgjithshëm i përkohshëm Montano mori detyrën sot pas arrestimit, më pak se 24 orë më parë, të prokurorit të përgjithshëm Roger Mariaka (Mariaca) në hetimin e çështjes Marset.

Prokurori i lartë për krimin e organizuar pohon se ai mori përsipër udhëheqjen e përkohshme në përputhje me ligjin, si prokurori më i lartë, për të shmangur një boshllëk institucional.

Zyra e prokurorit të përgjithshëm gjithashtu mbrojti emërimin e tij, ndërsa qeveria pohon se parlamenti duhet të vendosë se kush do të duhet ta udhëheqë atë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit