BANORËT E FSHATRAVE TË NJËSISË ADMINISTRATIVE THUMANË PROTESTUAN PËR TË KATËRTËN HERË RADHAZI PRANË NËNKALIMIT TË AUTOSTRADËS “THUMANË-KASHAR” | KËRKOJNË NGA QEVERIA TË RREGULLOJË NJË COPË RRUGË.

Fshati Thumanë, Krujë, Shqipëri | Banorët e fshatrave të Njësisë Administrative Thumanë protestuan sot për të katërtën herë radhazi pranë nënkalimit të autostradës “Thumanë-Kashar” për rreth një orë.

“Kemi dal në protestë për një rrugë 500 metra, na u prishën makinat, na u prish çdo gjë.

Ne do të dalim prap deri sa ta shtrojnë këtë copë rrugë.

500 metra rrugë janë, kalojnë kamionët e kanë prishur.

Sa më shpejt të na e shtrojnë, ne këtu do dalim deri sa ta shtrojnë.

Kemi disa kohë që protestojmë dhe nuk kemi marrë asnjë lloj reagimi as nga bashkia as nga institucionet e tjera.

Në do ta vazhdojmë protestën, do e ndjekim situatën dhe në rrugë ligjore, se po e shohim që nuk po merret asnjë lloj vendimi nga asnjë institucion.

Do ti bëjmë peticion bashkisë dhe institucioneve të tjera përkatëse. Shpresojmë që qeveria të reagoj edhe do e dëgjon zërin  popullit, që i ka ardhur thika aty ku nuk mban.

Përderisa nuk na dëgjon njeri, ne do të vazhdojmë punën tonë, por unë gjykoj që boll më.

Pritja e ka një kufi, sa do presim ne. Autoritetet, shteti të vejë para përgjegjësisë firmën kontraktuese për mirëmbajtjen e rrugës”, thanë banorët protestues.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit