BULQIZË | BANORËT E FSHATRAVE KOÇAJ + KOKËRDHAK + KODRA E DANIT PROTESTUAN SOT PARA BASHKISË; JANË KUNDËR NDËRTIMIT TË HEC-it (SIPAS TYRE U MERR UJIN DHE KULLOTAT E BAGËTIVE).

Bulqizë, Shqipëri | Banorët e fshatrave Koçaj, Kokërdhak dhe Kodra e Danit protestuan sot para Bashkisë së Bulqizës për të kundërshtuar heqjen nga fondi pyjor dhe kullosor të sipërfaqes ku do të kalonte rrjeti i tubacionit dhe do të ndërtohej godina për një HEC.

Ata hynë me forcë në ambientet e bashkisë dhe kërkuan që Këshilli Bashkiak të mos e miratojë vendimin.

Kjo nuk është hera e parë që banorët e këtyre zonave mobilizohen për pronën publike.

Në vitin 2018, ata ndaluan me forcë shfrytëzimin e Malit të Bardhë nga një kompani për prodhim peleti.

Banorët paralajmëruan se do të vazhdojnë të kundërshtojnë ndërtimin e HEC-it me çdo kusht.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit