AMAZON PREZANTOI KINDLE TRANSLATE (INTELIGJENCËN ARTIFICIALE PËR TË PËRKTHYER LIBRA ELEKTRONIKË TË VETË-BOTUAR FALAS).

Uashington, Amerikë | Ekziston një mjet i ri i inteligjencës artificiale për botuesit e pavarur në Amazon.

Është Kindle Translate, aktualisht i rezervuar për një grup të zgjedhur autorësh, i cili, përdor inteligjencën artificiale për të përkthyer një vepër në gjuhë të tjera, automatikisht dhe falas.

Shërbimi i mundësuar nga inteligjenca artificiale i grupit të teknologjisë aktualisht mbështet vetëm përkthime nga anglishtja në spanjisht dhe nga gjermanishtja në anglisht.

Amazon, në një deklaratë zyrtare, premtoi se lexuesit mund të presin më shumë tituj ndërsa shtohen gjuhë të reja.

Sipas kompanisë, më pak se 5% e titujve të Amazon janë të disponueshëm në më shumë se një gjuhë, gjë që kufizon shpërndarjen e veprave, veçanërisht atyre më pak të njohura.

Kindle Translate u ofron autorëve mundësinë për të arritur audienca të reja dhe për të fituar më shumë të ardhura.

Librat e përkthyer me inteligjencë artificiale do të mbajnë etiketën Kindle Translate për të njoftuar lexuesit se përkthimi është bërë duke përdorur inteligjencën artificiale.

“Do të vlerësohet me autorët para botimit, të cilët, mund të zgjedhin nëse do të shikojnë paraprakisht një mostër dhe më pas të vazhdojnë me disponueshmërinë e plotë”, shpjegon Amazon.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit