ALGJERI | FILLOI NDËRTIMI I GAZSJELLËSIT TRANS-SAHARIAN ME GJATËSI PREJ 1210 KILOMETRASH; DO TË TRANSPORTOJË MBI 20 MILIARDË METRA KUB NË EVROPË.

Algjer, Algjeri | Algjeria filloi zyrtarisht ndërtimin e pjesës së papërfunduar të Gazsjellësit Trans-Saharian (TSGP) në territorin e saj, pjesë e një projekti që do të lidhë Nigerinë me tregjet evropiane nëpërmjet Nigerit dhe Algjerisë.

Ceremonia u zhvillua në Aulef (Aoulef), në jugperëndim të vendit, në prani të ministrave përgjegjës.

Tubacionet e projektit, të cilat do të kenë një diametër prej 48 inçësh.

Sipas dokumenteve të shpërndara në shtyp, seksioni i ri në territorin algjerian do të shtrihet për 1210 kilometra, nga kufiri me Nigerin deri në Aulef (Aoulef), ku do të lidhet me rrjetin kombëtar të transmetimit të gazit të drejtuar për në Hassi R'mel, fusha më e madhe e gazit në Afrikë.

Nga atje, gazi do të transportohet në terminalet e eksportit të Beni Saf, në perëndim të vendit, dhe El Kala, në lindje pranë kufirit me Tunizinë.

Në seksionin algjerian, filluan punimet në 1210 kilometra infrastrukturë të re, ndërsa pjesa tjetër e rrugës do të përdorë tubacionet ekzistuese të integruara në rrjetin kombëtar të transmetimit të gazit.

Autoritetet algjeriane deklaruan se infrastruktura do të lejojë transportin e mbi 20 miliardë metrave kub gaz natyror në vit në Evropë, duke e quajtur projektin një mjet për integrimin energjetik afrikan dhe forcimin e bashkëpunimit midis vendeve të kontinentit.

Nga ana e tij, ministri nigerian njoftoi se Niamei (Niamey) do të fillojë zyrtarisht punën në seksionin prej 720 kilometrash që do të kalojë nëpër territorin e tij në fillim të vitit 2027, duke theksuar përfitimet e pritura ekonomike dhe sociale të projektit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit