AGJENTURA SHQIPTARE E KRIMIT ORDINER USHTRON TERROR NË ITALI | LUFTË PËR DOMINIM NË TERRITOR.

Frosinone, Itali | Mbrëmë, agjentura shqiptare e krimit ordiner në luftën e saj të përditëshme për të vendosur pozita sunduese në territorin e Frosinones, me qëllim kontrollin e tregtisë së narkotikëve dhe të shfrytëzimit të femrave për prostitucion, ndërmori një akt terrorist në mes të qytetit, duke përdorur armë zjarri, të shtënat e të cilave, mbollën terror dhe panik te qytetarët italianë (por jo vetëm), që ishin duke pushuar dhe darkuar në njërin nga ambientet më të njohura në qytet, i njohur si “Shake”.

Si pasojë e të shtënave me armë zjarri u vra z. Kasem Kasmi, me moshë 27 vjeç.

I akuzuar si doras, u arrestua z. Mikea Zeka, me moshë 23 vjeç, i cili, sipas autoriteteve italiane të hetimit penal ishte i shoqëruar edhe nga tre veta të tjerë, tashmë të identifikuar dhe të shpallur në kërkim policor.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

https://impressexaltsculptor.com/xwr71bic?key=5bef601c2af9f91065c072edad23fc2c

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit