AEROPLANI HODHI GABIMISHT 8 BOMBA MBI CIVILËT; TË PAKTËN 15 TË PLAGOSUR | INCIDENTI NDODHI JASHTË POLIGONIT TË QITJES GJATË STËRVITJES “MBUROJA E LIRISË” KU MARRIN PJESË FORCAT E SHBA-së DHE KJ-së

Seul, Kore e Jugut | Të paktën 15 veta u plagosën mëngjesin e sotëm pasi bombat e hedhura gabimisht nga një aeroplan ushtarak gjatë një stërvitjeje me zjarr të vërtetë goditën një lagje civile, duke dëmtuar shtëpitë dhe një kishë në Pocheon, Koreja e Jugut.

Forcat Ajrore të Koresë së Jugut konfirmuan se aksidenti këtë mëngjes u shkaktua nga ekuipazhi i një bombarduesi luftarak KF-16 duke hedhur gabimisht tetë bomba me peshë të lehtë Mk-82 jashtë një rrezeje zjarri gjatë stërvitjes vjetore të Mburojës së Lirisë, në të cilën, marrin pjesë ushtritë e SHBA-së dhe Koresë së Jugut.

Stërvitja e sotme ishte duke u zhvilluar në Pocheon, provinca Gyeonggi, rreth 50 kilometra në verilindje të Seulit, pranë kufirit të militarizuar me Korenë e Veriut.

Stërvitjet janë të parat e këtij lloji në vitin 2025, të lidhura me manovrat vjetore ushtarake të forcave koreane dhe amerikane që janë planifikuar të fillojnë javën e ardhshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit