9 AKUZA TË REJA PENALE PËR DJALIN E PRESIDENTIT AMERIKAN | NUK KA PAGUAR TAKSAT.

Uashington, Amerikë | Janë 9 akuza të reja penale me të cilat do të duhet të përballet djali i presidentit të Shteteve të Bashkuara, Hantër Baidn (Hunter Biden).

Akuzat e reja penale të ngritura nga prokurori special deivid Ueis (David Weiss) vazhdojnë të jenë krime tatimore.

Sipas prokurorëve, ai ishte i përfshirë në një skemë mashtruese katërvjeçare, për të shmangur pagesën e rreth 1.4 milion dollarë, në taksat federale, që i detyroheshin për vitet tatimore 2016-2019, dhe nga janari 2017 deri në 2020, dhe për t'iu shmangur vlerësimit të taksave për vitin fiskal 2018.

Prokurori Ueis (Weiss) akuzon djalin e presidentit amerikan se ka shpenzuar miliona dollarë për një mënyrë jetese ekstravagante në vend që të paguajë taksa.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit