VENEZUELË | MINISTRIA E MBROJTJES: 4 DERI NË 8 VJET BURG PËR USHTARAKËT DHE CIVILËT QË VJEDHIN NDIHMAT HUMANITARE PËR TË PREKURIT E TËRMETIT.

Karakas, Venezuelë | Qeveria e Venezuelës ka paralajmëruar se kushdo që vjedh, plaçkit ose devijon ndihmën humanitare të destinuar për të prekurit nga tërmetet e 24 qershorit rrezikon dënime me burgim nga katër deri në tetë vjet.

Në një deklaratë të lëshuar nga Drejtoria e Përgjithshme e Kundërzbulimit Ushtarak (DGCIM), autoritetet sqaruan se masa zbatohet si për civilët ashtu edhe për personelin ushtarak, në përgjigje të raporteve të shumta për vjedhje nga banorët në zonat e prekura nga tërmeti, të cilat u ndanë në mediat sociale virtuale dhe u raportuan nga mediat kombëtare dhe ndërkombëtare.

Në të njëjtën kohë, Ministria e Mbrojtjes hodhi poshtë akuzat e përgjithshme të bëra ndaj forcave të armatosura, duke botuar video që tregojnë ushtarë të angazhuar në operacione ndihme, nga pastrimi i rrënojave deri te transportimi i të plagosurve dhe shpërndarja e ndihmës.

Ministri i Brendshëm Diosdado Kabelo (Cabello), nga ana e tij, mbrojti veprimet e autoriteteve, duke akuzuar mediat sociale virtuale për përhapjen e lajmeve të rreme në lidhje me tragjedinë që goditi vendin.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit