UTAH | TAILLËR (TYLER) ROBINSON U ARRESTUA; KONSIDEROHET DORAS NË VRASJEN E VEPRIMTARIT POLITIK TË KRAHUT TË DJATHTË ÇARLI KËRK (CHARLIE KIRK).

Uashington, Amerikë | Strukturat vendore të Policisë arrestuan:

1- Z. Taillër (Tyler) Robinson, me moshë 22 vjeç, nga Utahu-u.

Vrasësi i dyshuar i veprimtarit politik të krahut të djathtë Çarli Kërk (Charlie Kirk) është në paraburgim të sigurisë së lartë.

Presidenti Danlld Tramp (Donald Trump) e njoftoi këtë në një intervistë me entin mediatik Faks (Fox).

“Me një shkallë të lartë sigurie, ne e kemi të dyshuarin për vrasjen”, shtoi ai.

Vrasësi i dyshuar tha Presidenti Tramp (Trump), u bind të dorëzohej te autoritetet nga babai i tij, një njeri besimtar.

“Ai u arrestua mbrëmë në Shën Gjergj (St. George), Utah, pranë Parkut Kombëtar Zion, rreth 250 milje në jugperëndim të kampusit ku u vra z. Kërk (Kirk)”, raportoi gazeta amerikane “New York Times”, duke cituar një zyrtar të zbatimit të ligjit.

Babai i vrasësit të dyshuar e identifikoi të birin nga fotot e publikuara nga FBI-ja dhe thirri një pastor për ndihmë.

Autoritetet e thanë këtë në një konferencë për shtyp, duke shtuar se babai e çoi të birin në një stacion policie për t'u dorëzuar.

“Bella ciao, bella ciao ciao ciao” ishte një nga sloganet e gdhendura në plumbat e pushkës së përdorur për të vrarë z. Kërk (Kirk), thanë autoritetet në një konferencë për shtyp.

Një plumb tjetër shkruante “Hej fashist”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit