USHTRIA E IZRAELIT GJETI NË GAZË KUFOMËN E PENGUT TË VRARË JAIR JAKOV (YAIR YAAKOV) DHE TË NJË TJETRI GJENERALITETET E TË CILIT NUK BËHEN PUBLIKE.

Jeruzalem, Izrael | Trupat e Mbrojtjes Izraelite (IDF) gjetën trupin e pengut të vrarë Jair Jakov (Yair Yaakov) gjatë një operacioni në Gaza.

Lajmin e bëri të ditur djali i tij, Jagili (Yagil), i cituar nga enti mediatik Kohërat e Izraelit (Times of Israel).

Më vonë, kryeministri izraelit Benjamin Netanjahu raportoi se trupat izraelite gjetën gjithashtu trupin e një pengu të dytë, të vrarë në Rripin e Gazës.

Emri i pengut të dytë nuk është bërë ende publik.

Jakovi (Yaakov), me moshë 59 vjeç, u rrëmbye nga kibucin Nir Oz në sulmin e 7 tetorit të vitit 2023, së bashku me partneren e tij, Meirav Tal, dhe djemtë e tyre Or dhe Jagil (Yagil) - tre të fundit u liruan pas një marrëveshjeje me Hamasin në muajin nëntor të vitit 2023.

Jakovi (Yaakov) u vra në sulmin terrorist të 7 tetorit dhe vdekja e tij u konfirmua nga IDF-ja në muajin shkurt të vitit 2024.

“Së bashku me të gjithë qytetarët izraelitë, unë dhe gruaja ime shprehim ngushëllimet tona më të thella familjeve që humbën të dashurit e tyre”, tha kryeminsitri Netanjahu në një deklaratë të lëshuar nga zyra e tij.

Pengu i dytë u rrëmbye gjithashtu në Nir Oz gjatë sulmit terrorist të 7 tetorit të vitit 2023.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit