UFO NË QIELLIN AMERIKAN: PËRPLASJA E AVIONËVE USHTARAKË NGRE PYETJE RRETH ALIENËVE.

Uashington, Amerikë | Zbulimi nga dokumentet e deklasifikuara se një avion ushtarak i Shteteve të Bashkuara është goditur më parë nga një objekt fluturues i paidentifikuar ka ngritur shumë pyetje në lidhje me ekzistencën e UFO-ve, ndërsa ekspertët tregojnë për raste të tjera të pamjeve të pashpjegueshme të teknologjisë së çuditshme që fluturon mbi hapësirën ajrore të ShBA-ës.

“Incidenti ndodhi në janar 2023, kur një objekt i paidentifikuar u përplas me anën e majtë të një avioni F-16 Viper që merrte pjesë në ushtrime stërvitore pranë Gila Bend, Arizona, konfirmoi një zëdhënës i Forcave Ajrore”, sipas entit mediatik “Fox News Digital”.

Zyrtarët thanë se objekti fluturues goditi tendën transparente në pjesën e sipërme të aeroplanit dhe u vu re për herë të parë nga një pilot në trajnim që ishte ulur në pjesën e pasme të aeroplanit.

Një hetim fillestar nuk gjeti dëme në aeroplanin prej gati 70 milionë dollarësh, me zyrtarët që përjashtuan mundësinë e një përplasjeje me zogj.

“Autoritetet përfundimisht përcaktuan se avioni u godit nga një dron, por vendndodhja dhe operatori i pajisjes nuk janë përcaktuar ende”, tha zëdhënësi.

“Incidenti ishte i pari nga katër takime me fenomene anomale të paidentifikuara (UAP) të raportuara një ditë më vonë”, sipas dokumenteve të Administratës Federale të Aviacionit (FAA).

“Sipas personelit ushtarak me të cilin, jam takuar personalisht, kishte objekte 200 milje larg Bregut Lindor që po rrotulloheshin gjerësisht dhe nuk kishin mjete të dukshme shtytëse”, tha për entin mediatik “Fox News Digital” z. Xheims Foks (James Fox), një regjisor i specializuar në filma rreth aktivitetit të UFO-ve.

Përplasja shqetësuese vjen ndërsa Departamenti i Mbrojtjes raportoi 757 incidente që përfshinin UAP-e nga 1 maji 2023 deri më 1 qershor 2024, sipas një dokumenti të paklasifikuar të lëshuar nga Zyra e Zgjidhjes së Anomalive të të Gjitha Zonave, agjencia e Departamentit të Mbrojtjes të ShBA-ës përgjegjëse për hetimin e incidenteve të UFO-ve dhe UAP-ve.

Nga këto takime, 708 ndodhën në ajër, me vetëm 49 raste të klasifikuara si raste të përfunduara nga zyrtarët.

“Përveç kësaj, agjencia mori 18 raporte për incidente UAP pranë infrastrukturës bërthamore, vendeve të lëshimit dhe armëve”, sipas raportit.

“Asnjë nga këto raste të zgjidhura nuk dokumentoi aftësi të avancuara të kundërshtarëve të huaj ose teknologji të përparuara hapësinore”, thuhet në raport.

“Ka raportime që datojnë që nga vitet 1930 dhe 1940”, tha z. Foks (Fox).

Ku kishit objekte misterioze, të shndritshme, të ngjashme me sfera që lëshonin dritë shumë të ndritshme, të cilat, mund të fluturonin rreth aeroplanëve ushtarakë në Luftën e Dytë Botërore.

Z. Foks (Fox) vuri në dukje teknologjinë e përparuar të shfaqur në këto pamje, të tilla si avionët që nuk lëshojnë nxehtësi ose kanë aftësinë të fluturojnë të palëvizshëm në kushte ere të forta.

“Kjo është dokumentuar mirë për dekada të tëra. Pra, ose kemi ndjekur të njëjtën gjë që ishte, (ndoshta) inteligjencë jo-njerëzore, që nga vitet 1940.

Ose dikush ka qenë në gjendje ta kopjojë teknologjinë, ta përpunojë atë dhe ta hedhë tutje”, tha ai.

Në vitin 2020, Departamenti i Mbrojtjes krijoi një Task Forcë për Fenomene Ajrore të Paidentifikuara (UAPTF) për të hulumtuar dhe hetuar më tej UAP-et e ndryshme të vërejtura në qiellin amerikan.

“Misioni i task forcës është të zbulojë, analizojë dhe regjistrojë UAP-et që mund të përbëjnë një kërcënim për sigurinë kombëtare të ShBA-ës”, tha departamenti në një deklaratë.

Z. Foks (Fox) tha gjithashtu se përdorimi i teknologjisë së përditësuar nga zyrtarët për të identifikuar vendndodhjen dhe karakteristikat e UAP-ve mund të jetë duke kontribuar në rritjen e raportimeve në vitet e fundit.

“Ata kanë akorduar frekuencën në radarë të caktuar për të zbuluar objekte më të vogla që mund të kenë qenë këtu që nga fillimi.

Ky është një fenomen global që tregon se teknologjia është vite dritë përpara çdo gjëje që kemi.

A ka pasur një përpjekje të suksesshme për inxhinieri të kundërt? (Nëse jo), atëherë ajo bie në kategorinë e asaj që shumë do ta quanin inteligjencë jo-njerëzore”, tha ai.

Ndërsa shumica dërrmuese e UAP-ve të dalluara nga zyrtarët identifikohen shpejt, z. Foks (Fox) këmbëngul se ka disa të zgjedhura, origjina e të cilave është e panjohur edhe për autoritetet më të larta qeveritare dhe nuk përputhet me teknologjinë që zotërojnë kundërshtarët e vendit.

“Një përqindje e vogël e këtyre objekteve shfaqin teknologji që është thjesht vite dritë përtej çdo gjëje që ne ose kushdo tjetër në planet ka”, tha z. Foks (Fox).

“Që do të thotë, pasi të kryeni procesin e përjashtimit, nëse nuk është Rusia apo Kina, dhe nëse nuk jemi ne, çfarë mbetet”, pyeti ai.

Ai ia atribuon gjithashtu skepticizmin e publikut të gjerë në lidhje me UAP-et faktit që qeveria amerikane ka heshtur në lidhje me gjetjet e saj gjatë viteve.

Megjithatë, zyrtarët kanë vazhduar të punojnë drejt transparencës me publikun amerikan, me një seancë dëgjimore në Kongres mbi UFO-t të caktuar për herë të parë në dekada në vitin 2022 dhe që vazhdon të zhvillohet në bankat e Kongresit.

“Arsyeja kryesore për sekretin është se është e vështirë për çdo agjenci qeveritare të pranojë se ka mjete fluturuese me origjinë të panjohur që fluturojnë pa u ndëshkuar”, tha z. Foks (Fox).

“Ata fluturojnë rreth avionëve tanë më të shpejtë dhe (qeveria) nuk e di se kush janë, nga vijnë apo çfarë duan”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit