U LIRUA NGA BURGU PËR ARSYE SHËNDETËSORE ERNESTO FACALARI (FAZZALARI): ISH-KREU I ORGANIZATËS KRIMINALE “NDRANGHETA” | QËNDROI 9 VJET NËN REGJIMIN PENITENCIAR 41 BIS: ISHTE DËNUAR ME 30 VJET BURG.

Rexho Kalabria, Itali | Ai ka një sëmundje të pashërueshme dhe agresive dhe për këtë arsye Ernesto Facalari (Fazzalari), bosi i organizatës kriminale “Ndrangheta”, i arrestuar në Molokio (Molochio), në provincën e Rexho Kalabrisë (Reggio Calabria) në muajin qershor të vitit 2016, kur ishte i arratisuri më i kërkuar pas z. Matteo Messina Denaro, kalon në arrest shtëpie.

Kjo u vendos nga Gjykata e Mbikqyrjes së Bolonjës pasi Gjykata e Kasacionit, duke pranuar ankesat e avokatit Antonino Napoli, anuloi tre urdhra që refuzonin shtyrjen e dënimit ose dhënien e paraburgimit në shtëpi, një të lëshuar nga Gjykata e Mbikëqyrjes e L’Akuilas (L'Aquila) dhe dy urdhra të lëshuara nga Gjykata e Mbikqyrjes së Bolonjës, pas transferimit të z. Facalari në qendrën diagnostike dhe terapeutike të burgut të Parmës.

I burgosur për 9 vite nën regjimin penitenciar 41 bis, z. Facalari u dënua me burgim të përjetshëm në gjyqin Demi.

Një dënim më vonë u reduktua në 30 vjet nga Gjykata e Apelit e Apelit të Rexho Kalabrisë (Reggio Calabria).

Ai ishte një nga protagonistët e grindjes që në vitet 1980 dhe 1990 e shndërroi Taurianova në teatrin e një prej përplasjeve më të përgjakshme mes bandave të “Nndranghetës”.

Ishin kohët kur në sheshin e qytetit të vogël në Piana di Xhoia (Gioia) Tauro, shefat prisnin kokat dhe më pas i përdornin për gjuajtje objektivash.

Me vëllain e tij Domenikon dhe kushëririn Salvatore, ai është një nga eksponentët kryesorë të bandës Avinjone (Avignone)-Zagari-Viola.

Kur u kap nga Karabinierët në Piana di Xhoia (Gioia) Tauro, bosi ishte në kërkim për më shumë se 20 vjet dhe ishte vendosur në vendin e dytë, pas vetëm z. Matteo Messina Denaro, në listën e të arratisurve më të rrezikshëm.

I nënshtruar një burgu të rëndë, gjatë paraburgimit ai u diagnostikua me një patologji të rëndë, gjë që bëri që mbrojtja, e përfaqësuar nga avokati Antonino Napoli, të kërkonte shtyrjen e dënimit ose paraburgimin në shtëpi me supozimin se nga disa dënime të fundit doli se disa nga operacionet e z. Facalari si kreu i një bande të “Ndranghetës” nuk u demonstruan konkretisht në periudhën para kapjes së tij.

“Gjykata e Mbikëqyrjes së Bolonjës - thekson avokati - duke i dhënë paraburgim shtëpiak z. facalari (Fazzalari) në fakt ka zbatuar parimin e qytetërimit ligjor që përcakton mbizotërimin e së drejtës për shëndet si garanci e dinjitetit të të burgosurit dhe humanitetit të të burgosurve”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit