U DËNUAN ME BURG VITALI VANSIATSKI (VITALY VANSIATSKY); VLADISLAV AGALTSEV; ANDREI IORDANOV; VLADIMIR BAZHIN | GISHT NË VRASJEN AMERIKANIT RASLL TEKSAS BENTLLI (RUSSELL TEXAS BENTLEY).

Z. Rasll Teksas Bentlli (Russell Texas Bentley)

Donetsk, Ukrainë | Të pandehurit për vrasjen e qytetarit amerikan Rasll Bentlli (Russell Bentley) - i njohur edhe si “Kaubojsi i Donetskut” - në Donetsk janë dënuar deri në 12 vjet heqje lirie.

Çështja përfshinte katër ushtarakë rusë - Vitali Vansiatski (Vitaly Vansiatsky), Vladislav Agaltsev, Andrei Iordanov dhe Vladimir Bazhin.

Sipas gjykatës,Vitali Vansiatski e ngatërroi korrespondentin për një sabotator dhe e raportoi atë në komandën e tij.

Pas kësaj, ushtarëve iu urdhërua ta sillnin amerikanin në postin e komandës së batalionit.

Gjatë rrugës, ushtarakët filluan ta rrihnin dhe torturonin viktimën për të detyruar një rrëfim për përfshirje në sabotim.

Viktima vdiq. Për të fshehur vrasjen, ata e fshehën trupin në bagazhin e një makine dhe e hodhën në erë me një ngarkesë tritoli.

Të nesërmen, ata u kthyen në vendin e shpërthimit dhe dogjën mbetjet.

“Gjykata Ushtarake e Qarkut Jugor dënoi ushtarakët Vitali Vansiatski dhe Andrei Iordanov me 12 vjet në një burg të sigurisë maksimale, Vladislav Agaltsev me 11 vjet dhe Vladimir Bazhin me 1.5 vjet”, njoftoi shërbimi për shtyp i gjykatës.

Z. Rasll Teksas Bentlli (Russell Texas Bentley) ishte një luftëtar amerikan pro-rus, i cili, kishte shërbyer që nga viti 2014 në batalionet Vostok dhe Spetsnaz në anën e DPR.

Më vonë ai mori shtetësinë ruse dhe punoi si korrespondent lufte për agjencinë e propagandës “Sputnik”.

Ai u zhduk në front në prill të vitit 2024 dhe vdekja e tij u konfirmua disa kohë më vonë.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit