TË SHTËNA ME ARMË ZJARRI NË DETIN EGJE | PËRPLASJE GREKO-TURKE.

Athinë, Greqi | “Një incident i armatosur i tensionuar shpërtheu të martën në mbrëmje pranë Agathonisit kur dy anije peshkimi turke hynë në ujërat territoriale greke dhe u përballën me Roja Bregdetare Helenike”.

Kështu thanë zyrtarët grekë për entin mediatik grek “Kathimerini”.

Mediat turke botuan foto që tregonin vrima plumbash në një anije peshkimi, duke pretenduar se ato ishin nga të shtëna greke.

Sipas burimeve të Rojës Bregdetare, anijet turke kaluan në ujërat greke të shoqëruara nga dy anije të Rojës Bregdetare Turke.

Tre anije patrullimi greke reaguan, duke lëshuar paralajmërime të përsëritura vizuale dhe audio që ata të ktheheshin në ujërat turke.

Urdhrat u injoruan.

Një anije peshkimi turke bëri më pas manovra që rrezikonin të përplasnin një anije patrullimi greke.

Ekuipazhi grek qëlloi me të shtëna paralajmëruese drejt një sektori të sigurt, duke i detyruar anijet turke të tërhiqeshin.

Burimet thanë se dy anijet e Rojës Bregdetare Turke krijuan sinjale për të ndihmuar anijet e peshkimit dhe për të penguar patrullat greke.

Ato u larguan me anijet e peshkimit menjëherë pasi u qëlluan.

Athina tha se incidenti nuk mund të kishte përfunduar ndryshe, duke përmendur rregulla të qarta angazhimi dhe se anijet (sipas Greqisë) ishin brenda ujërave territoriale.

Zyrtarët po monitorojnë se si portretizohet ngjarja në Turqi dhe shprehën shqetësim për provokim të mundshëm.

Agathonisi është ndër zonat që Ankaraja i konsideron zona gri dhe incidente të tilla nënvizojnë vështirësitë e vazhdueshme në kontaktet greko-turke, të cilat, janë bërë më të rralla në muajt e fundit.

Mediat turke raportuan një version tjetër, duke pretenduar se anijet e peshkimit u qëlluan në ujërat turke.

Kapiteni Hasan Aygun tha se:

1- “Dy anije patrullimi greke ngacmuan anijet e peshkimit dhe se grekët qëlluan gjashtë herë drejt anijes, duke goditur direkun me radar”.

Incidenti nxjerr në pah paqëndrueshmërinë e Detit Egje, ku pretendimet territoriale turke dhe takimet e shpeshta midis anijeve greke dhe turke mbeten një burim tensioni dhe kujdesi diplomatik.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit