MINISTRI GREK I MBROJTJES NIKOS DHENDHIAS (DENDIAS): GREQIA PO HYN NË EPOKËN E DRONEVE ME TË DYJA KËMBËT.

Athinë, Greqi | Ministri grek i Mbrojtjes Nikos Dhendhias (Dendias) inspektoi një dron gjatë përfundimit të një stërvitjeje ushtarake katër-ditore të koduar “Aisios Oionos 2025”, duke shënuar testin e parë në terren të një game të gjerë platformash pa pilot, nga dronët dhe sistemet anti-dronë deri te UCAV-të e gatshme për luftim të vendosura brenda një skenari të strukturuar në kohë lufte.

Stërvitja përfaqëson një hap të rëndësishëm për Ministrinë e Mbrojtjes dhe Qendrën Helenike për Inovacionin në Mbrojtje, e cila, ndihmoi në identifikimin e 37 kompanive kryesisht startup, teknologjitë e të cilave u testuan në rajonin e Evrosit.

Sistemet e demonstruara tani do të vlerësohen nga Forcat e Armatosura, të cilat, mund të refuzojnë disa, të miratojnë të tjera, ose të kërkojnë përmirësime.

Zyrtarët synojnë ta institucionalizojnë këtë proces testimi në mënyrë që kompanitë që pretendojnë pjekuri të lartë teknologjike të mund të provojnë produktet e tyre në kushte reale, duke orientuar investimet e ardhshme të ministrisë.

Midis sistemeve të paraqitura ishin UCAV-të, dronë FPV të tipit që përdoren gjerësisht në Ukrainë dhe municione të disponueshme të zhvilluara për forcat greke.

Një njësi mobile prodhimi dronësh - një punishte me bazë kontejnerësh e aftë për të printuar 3D dronë pranë frontit - gjithashtu tërhoqi vëmendjen.

“Vendi ynë, Forcat tona të Armatosura, tani kanë hyrë në epokën e re… me të dyja këmbët”, tha Ministri Dhendhias (Dendias), duke theksuar rëndësinë e sigurisë në Traki.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit