TURQI (TÜRKIYE) | PRESIDENTI VOLODIMIR ZELENSKI: TAKIMI ME SEKRETARIN E PËRGJITHSHËM TË NATO-s MARK RUTTE U PËRQENDRUA NË MBROJTJEN AJRORE DHE SITUATËN NË FRONT.

Ankara, Turqi (Türkiye) | Presidenti Volodimir Zelenski njoftoi në rrjetin social virtual Iks (X) se u takua me sekretarin e përgjithshëm të NATO-s Mark Rutte në Ankara dhe e falënderoi për mbështetjen dhe ndihmën e tij vetjake për Ukrainën dhe popullin ukrainas.

“E informova Markun mbi pasojat e sulmeve ruse në qytetet dhe komunitetet ukrainase.

Ne diskutuam mbrojtjen e popullit tonë nga kërcënimet balistike ruse dhe nevojën për dërgesa urgjente të raketave për sistemet e mbrojtjes ajrore.

Një pjesë e veçantë e diskutimit tonë u përqendrua në kontributet shtesë nga vendet aleate në iniciativën PURL dhe përpjekjet për të krijuar një koalicion kundër raketave balistike.

Marku vlerësoi sukseset e luftëtarëve tanë në vijën e parë, të cilët vazhdojnë t'i shkaktojnë humbje të rënda Rusisë, si dhe rezultatet e përgjigjeve tona me rreze të gjatë veprimi.

Ne ramë dakord të punojmë shpejt së bashku për të zbatuar gjithçka që u diskutua gjatë takimit”, tha presidenti Zelenski.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit