___.png)
TURQI (TÜRKIYE) | MINISTRI I MBROJTJES JASHAR (YASAR) GULER: DO TË MBROJMË TË DREJTAT DHE INTERESAT NË EGJE + MESDHE + QIPRO.
- Agjencia Telegrafike Vox
- 48 minutes ago
- 1 min read
Ankara, Turqi | Ministri i Mbrojtjes, Jashar (Yasar) Guler, u zotua të mërkurën të mbrojë të drejtat dhe interesat e Turqisë në Egje, Mesdhe dhe Qipro, dhe tha se Ankaraja nuk do të mbetet indiferente ndaj përpjekjeve për t’i vënë ato në pikëpyetje.
Duke folur në një bazë ushtarake në Edirne, në Turqinë perëndimore, Ministri Guler akuzoi gjithashtu Greqinë për militarizimin e paligjshëm të ishujve të saj lindorë të Detit Egje.
“Në një mjedis kaq të rëndësishëm gjeopolitik, ne ndjekim nga afër të gjitha zhvillimet dhe mbrojmë me vendosmëri të madhe të drejtat dhe interesat e vendit tonë, kryesisht në Egje, Mesdheun lindor dhe Qipro”, tha Ministri Guler, duke shtuar se Turqia është plotësisht për të drejtën ndërkombëtare, paqen, stabilitetin dhe zgjidhjen e mosmarrëveshjeve përmes dialogut.
“Kjo nuk do të thotë që ne do të bëjmë lëshime në lidhje me të drejtat dhe interesat tona kombëtare”, tha ai.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments