ANKARA; TURQI (TÜRKIYE) | PRESIDENTI REXHEP TAIP ERDOGAN HODHI POSHTË QASJET MAKSIMALISTE NË EGJEUN DHE NË MESDHEUN LINDOR.

Ankara, Turqi (Türkiye) | Presidenti Rexhep Taip (Recep Tayyip) Erdogan, tha se vendi i tij hedh poshtë atë që ai e përshkroi si qasje unilaterale maksimaliste që synojnë të përjashtojnë Turqinë dhe pjesën veriore të Qipros nga zhvillimet rajonale.

“Ne duam ta shohim Detin Egje dhe Mesdheun Lindor si një det stabiliteti dhe prosperiteti.

Për këtë arsye, ne hedhim poshtë qëndrimet unilaterale dhe maksimaliste që përpiqen të përjashtojnë Turqinë dhe Republikën Turke të Qipros Veriore dhe nuk i gjejmë të sakta përpjekjet e kota që vendosin shpresa në klimën e luftës”.

Kështu tha Presidenti Erdogan - duke iu drejtuar ceremonisë së hapjes së Forumit të Diplomacisë së Antalias 2026.

Presidenti Erdogan përsëriti gjithashtu qëndrimin e Ankarasë për Qipron, duke deklaruar se qëndrimi i qipriotëve turq tregon ekzistencën e dy popujve të veçantë dhe dy shteteve të veçanta në ishull.

Duke iu referuar Greqisë, presidenti turk foli për një minoritet turk në Trakinë Perëndimore, duke argumentuar se përmirësimi i fundit në marrëdhëniet dypalëshe mund të kontribuojë jo vetëm në adresimin e çështjeve të pazgjidhura midis dy vendeve, por edhe në përfundimin e asaj që ai e përshkroi si shkelje të të drejtave të pakicës, të cilën, Greqia e njeh vetëm si pakicë fetare, duke përmendur Traktatin e Lozanës të vitit 1923.

Presidenti Erdogan foli gjithashtu për rolin e Turqisë në Libi, duke thënë se Ankaraja mbështet integritetin territorial dhe sovranitetin e vendit, si dhe nismat më të gjera të zhvillimit në të gjithë Afrikën.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit