TIRANË | KUMTOHET SE VDIQ BABA HALIL CURRI.

Baba Halil Curri

Tiranë, Shqipëri | Kumtohet se:

1- Baba Halil Curri vdiq.

Këtë lajm e njoftoi Kryegjyshi Botëror i Bektashinjve, Haxhi Dede Baba, Edmond Brahimaj.

Pritje dhe homazhe u mbajtën deri më 5 shkurt 2026.

Varrimi u krye në teqenë e Bllacës.

Ritet e ceremonisë së përcjelljes Baba Halil Currit u drejtuan nga Kryegjyshi Botëror Bektashian, Shenjtëria e Tij, Haxhi Dede Baba, Edmond Brahimaj.

Baba Halil Curri, u lind në fshatin Dushaj, me 26 janar të vitit 1946 në tradita bektashiane të trashëguara brezave.

Dervish Curri, nga ky oxhak ka qenë Dervish i Baba Fejzë Bulqizës.

Ai ra dëshmor në fushën e Xixullës, në vitin 1860, në luftë kundër ushtrisë turke të Ivzi Pashës.

Baba Halili, në vitin 1993 punoi si komisioner në Këshillin e teqesë së Bllacës, duke shërbyer si kuzhinier dhe u mor me pronat e teqesë.

Në vitin 1994, u bë myhib në teqenë e Fushë-Krujës, nga Baba Selim Rexhep Kaliçani, duke u bërë anëtar shpirtëror i bektashizmit.

Në dhjetor të vitit 1994, u vesh Dervish.

Në vitin 1995 ai transferohet për në teqenë më emër, atë të Ballëm Sulltanit.

Në Martanesh ai punoi pa u lodhur. Ndërtoi objektin e ri dykatësh në Ballenjë; mbajti gjithmonë të hapur dhe teqenë e Baba Jasharit në fshatin Peshk.

Në vitin 1996 ai veshi petkun e shenjtë të Babait, nga Dede Reshat Bardhi.

Si klerik, ai punoi në teqenë “Shememi Baba”, në Fushë Krujë.

Më pas, drejtoi teqenë e Martaneshit dhe, së fundi, me vdekjen e Baba Ismail Jangullit, mori drejtimin e teqesë së Bllacës-Bulqizë.

Ai la gjurmë tek besimtarët/et dhe dashamirësit/et kudo.

Këto gjurmë, duken në teqenë e Martaneshit, Ballenjës, Fushë Krujës, Bllacës.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit