TEKSAS | I RIU XHON (JOHN) MENDOZA U VRA ME ARMË ZJARRI NGA POLICA VENDORE.

Teksas, Amerikë | Strukturat vendore të Policisë akuzohen se vranë me armë zjarri:

1- Z. Xhon (John) Mendoza.

Akti kriminal ngjau gjatë një kontrolli rrugor.

Familja e tij pretendon se ai ishte i paarmatosur dhe i kishte duart lart përpara se të qëllohej.

Rasti është nën hetim nga autoritetet përkatëse, ndërsa rrethanat në të cilat punonjësi i policisë hapi zjarr janë në fokus.

Sipas Zyrës së Sherifit të Qarkut Brazoria, incidenti ndodhi pak pas mesnatës më 1 qershor, kur një oficer u përpoq të kryente një ndalim trafiku pranë FM 2004 në liqenin Xhekson (Jackson).

Autoritetet thonë se z. Mendoza nuk u ndal, por vazhdoi për në shtëpinë e babait të tij në Indian Warrior Trail, ku u qëllua me armë zjarri.

Ai u dërgua në spital, ku vdiq për shkak të plagëve.

Policia e Teksasit po heton incidentin në bashkëpunim me Zyrën e Prokurorit të Qarkut Brazoria.

Shkarkimi i punonjësit të Policisë erdhi disa ditë pas një ndërhyrjeje publike nga avokati Çarl Edms (Charles Adams), i cili përfaqëson babanë e viktimës.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit