SKANDALI I SPIUNAZHIT NË MBRETËRINË E BASHKUAR: POLEMIKA PËR NDËRTIMIN E AMBASADËS SË RE KINEZE | PROJEKTI U KRITIKUA NDËRSA RASTI I PRINCIT ANDREA (ANDREW) PO BËN JEHONË NË SHOQËRI.

Londër, Britani e Madhe | Projekti i diskutueshëm i një ambasade të madhe kineze që do të ndërtohet në zemër të Londrës ka ndezur polemika të reja në Mbretërinë e Bashkuar në mes të skandalit të spiunazhit që përfshin princin Andrea (Andrew), i përjashtuar nga pjesëmarrja në Krishtlindje, për shkak të marrëdhënieve të tij të ngushta me sipërmarrësin Yang Tengbo, i dyshuar si agjent i Pekinit nga shërbimet sekrete të Madhërisë së Tij.

Plani për të ndërtuar selinë e re diplomatike pranë Kullës së Londrës, duke mbyllur atë aktuale në distriktin Marylebone, ka ngjallur kundërshtim nga komunitetet lokale dhe aktivistët e të drejtave të njeriut, si dhe zëra të tjerë kritikë ndaj Kinës.

Protestat, të cilat vijnë së bashku me akuzat e opozitës konservatore për infiltrimin e supozuar të një spiuni brenda monarkisë, rrezikojnë të rrezikojnë rinisjen e marrëdhënieve me Pekinin, pas një periudhe tensionesh dhe mosbesimi të ndërsjellë, të kryera nga kryeministri laburist Keër Starmër (Keir Starmer), i cili, u takua muajin e kaluar me presidentin kinez Shi Xhinping (Xi Jinping) në margjinat e G20-ës në Brazil.

Pikërisht me atë rast të dy udhëheqësit kishin diskutuar për projektin e super-ambasadës, e cila, do të bëhej selia më e madhe diplomatike në Mbretërinë e Bashkuar.

Ndër të tjera, fjalën e fundit për zbatimin ose jo të projektit e ka qeveria laburiste dhe zëvendëskryeministrja Angela Rayner, përgjegjëse për planifikimin urban, si ministre e Komuniteteve Lokale.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit