SI TË VIHEN NË PUNË ASETET E NGRIRA TË RUSISË PËR UKRAINËN?

Nga gazeta Ekonomisti (The Economist).

Londër, Britani e Madhe | Me Dhomën e Përfaqësuesve të Amerikës që mohon ndihmën për Ukrainën, politikanë të tjerë perëndimorë po kërkojnë një burim alternativ fondesh.

Sytë e tyre janë vendosur në asetet me vlerë 260 miliardë euro (282 miliardë dollarë) që i përkasin Rusisë, të cilat, janë ngrirë që nga pushtimi i saj në shkallë të plotë dy vjet më parë.

Ka një zhurmë në rritje në mbështetje të rastit moral dhe praktik për përdorimin e këtyre parave për të ndihmuar në pagimin e mbrojtjes së Ukrainës.

Më 27 shkurt znj Xhenet Jellen (Janet Yellen), sekretarja e thesarit e Amerikës, bëri thirrje që vlera e këtyre aseteve të zhbllokohej.

Por pjesa më e madhe e portofolit ndodhet në Belgjikë, dhe Bashkimi Evropian ka qenë i ndarë në lidhje me mençurinë dhe ligjshmërinë e përdorimit të tij.

Ata që duan të bëjnë diçka me paratë kanë të drejtë, por mënyra se si bëhet kjo ka shumë rëndësi.

Konfiskimi i plotë i aseteve do të ishte një gabim. Sanksionet kanë ardhur historikisht me paralajmërimin se nëse një agresor si Rusia ndryshon sjelljen, mund t'i kthehen paratë e tij.

Reparacionet zakonisht negociohen me një shtet të mundur, pasi armiqësitë kanë pushuar, nuk janë imponuar dhe zbatuar, ndërsa plumbat fluturojnë.

Marrja e parave do të shtonte pikëpamjen, tashmë të zakonshme në jugun global, se Amerika dhe aleatët e saj i përmbahen ligjit ndërkombëtar vetëm kur u përshtatet atyre.

Për shkak se rasti i Perëndimit kundër pushtimit të Rusisë është se ai është i paligjshëm, kjo bie erë hipokrizie.

Megjithatë, padrejtësia që ka pësuar Ukraina është e dukshme, nevoja e saj për para është urgjente, dhe financat e qeverive perëndimore janë të tendosura.

Pra, avokatët po përpiqen të gjejnë mekanizma të zgjuar, me anë të të cilave, portofoli i Rusisë mund të përgjohej ligjërisht.

Planet e tyre përfshijnë transferimin e kërkesës për dëmshpërblime nga Ukraina në Perëndim, dhe kompensimin e saj ndaj aseteve ruse. Megjithatë, edhe më të zgjuarit janë të mbushur me rreziqe ligjore dhe politike.

Ka një mënyrë më të thjeshtë. Rreth 190 miliardë euro të aseteve kontrollohen në Belgjikë nga Euroclear (një kujdestar).

Kthimet e investimeve dhe pagesat e principalit që do t'i kalonte Rusisë po grumbullohen si një bilanc parash, i cili, aktualisht arrin në rreth 132 miliardë euro, dhe që banka e Euroclear mund të investojë me fitim.

Argumenti se Rusia nuk ka të drejtë për këto kthime është relativisht i padiskutueshëm, jo më pak për shkak se Euroclear zakonisht nuk paguan interes për mbajtjen e parave të gatshme.

Financimi falas po ndihmon Euroclear të bëjë fitime të jashtëzakonshme.

Bashkimi Europian e ka urdhëruar tashmë firmën që t'i heqë ato, dhe të mos i shpërndajë tek aksionerët; më 28 shkurt Ursula von der Leyen, presidentja e Komisionit Evropian, tha se ishte koha për të folur për marrjen e parave dhe dërgimin e tyre në Ukrainë.

Kjo do të siguronte një rënie të fondeve: Euroclear fitoi 4.4 miliardë euro nga aktivet në 2023.

Bashkimi Europian mund të shkonte më mirë. Fluksi i të ardhurave nga asetet e Rusisë do të vazhdojë.

Prandaj, BE-ja mund të lançojë dhe garantojë një makineri, borxhet e të cilës, shërbehen duke përdorur të ardhurat nga fondet e Rusisë.

Duke emetuar obligacione, kjo makineri mund të mbledhë një shumë të madhe paraprake, për t'u dërguar direkt në Ukrainë.

Investimi i bilancit të parave prej 132 miliardë eurosh në borxhin gjerman pesë-vjeçar do të jepte rreth 3.2 miliardë euro në vit, të mjaftueshme për të shërbyer pothuajse 114 miliardë euro të borxhit të përbashkët të BE-së në të njëjtin maturim.

Shifrat do të rriteshin pasi një pjesë e madhe e portofolit të Rusisë kalon në para. Shuma të tilla të mëdha do të paguanin për municione tani dhe do t'i sinjalizonin Rusisë se Ukraina ka fuqinë ekonomike për të vazhduar luftën.

Nëse Rusia nuk do të bënte kurrë paqe me kushte të kënaqshme, Bashkimit Europian nuk do t'i duhej kurrë të shpenzonte asnjë qindarkë nga paratë e saj për shërbimin e borxhit.

Nëse do të ndodhte, BE-ja mund të përfundonte në grep - por në rrethana të tilla do të merrte gjithashtu një nxitje të rritjes dhe një dividend paqeje nga fundi i luftës.

Më e rëndësishmja, Ukraina do të merrte infuzionin e madh të parave që i duhen dëshpërimisht tani, pa cenuar asnjë nga parimet për të cilat po lufton.

https://impressexaltsculptor.com/xwr71bic?key=5bef601c2af9f91065c072edad23fc2c

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit