SHOQËRIA “META” DO TË PËRDORË NDËRVEPRIMET ME INTELIGJENCËN E SAJ ARTIFICIALE PËR TË PERSONALIZUAR REKLAMAT.

Uashington, Amerikë | Shoqëria “Meta” do të fillojë të përdorë ndërveprimet e përdoruesve me inteligjencën e saj artificiale për të personalizuar reklamat duke filluar nga 16 dhjetori i vitit 2025.

Rregullorja e re nuk zbatohet aktualisht në Bashkimin Evropian dhe në Mbretërinë e Bashkuar.

Përditësimi, i cili, është shkruar në blogun e kompanisë, do të njoftohet duke filluar nga 7 tetori nëpërmjet njoftimeve dhe emaileve brenda produktit.

“Ndërveprimet tona në Facebook dhe Instagram kanë formësuar prej kohësh atë që shfaqet në News Feed-in tuaj, dhe së shpejti ndërveprimet me IA do të jenë një element tjetër që ne përdorim për të përmirësuar përvojën e përdoruesit”, shpjegon postimi.

“Më shumë se 1 miliard njerëz në muaj përdorin Meta IA”, thuhet atje.

“Qoftë një bisedë zanore apo një shkëmbim tekstesh me aftësitë tona të IA-së, ky përditësim do të na ndihmojë të përmirësojmë rekomandimet që u bëjmë njerëzve në platformat tona, në mënyrë që ata të kenë më shumë gjasa të shohin përmbajtje që i intereson vërtet dhe më pak të ngjarë të shohin përmbajtje që nuk u intereson”, tha shoqëria “Meta”, duke specifikuar se kur njerëzit bisedojnë me Meta IA për tema më të ndjeshme, siç janë pikëpamjet e tyre fetare, orientimi seksual, pikëpamjet politike, shëndeti ose origjina racore ose etnike, këto tema nuk do të përdoren për reklama.

“Me mjete si Preferencat e Reklamave dhe kontrolle të tjera të lajmeve, mund të vazhdoni të ndryshoni përmbajtjen dhe reklamat që shihni në çdo kohë”, tha shoqëria “Meta”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit