SHBA-ës | PËRMBYTJET NË KANIONIN E MADH SHKAKTUAN 1 TË VDEKUR DHE 15 TË ZHDUKUR.

Los Anxhelos, Amerikë | “Të paktën një person ka vdekur dhe rreth 15 të tjerë rezultojnë të zhdukur pas përmbytjeve të menjëhershme në Kanionin e Madh, një nga destinacionet turistike më të njohura në Shtetet e Bashkuara”.

Kështu njoftoi Shërbimi i Parkut Kombëtar.

Përmbytjet goditën zonën e Kanionit Brait Enxhëll (Bright Angel) dhe Renç Fentëm (Ranch Phantom) të shtunën, duke detyruar dhjetëra njerëz të evakuohen dhe duke dëmtuar të vetmin rrjet kryesor të ujit që i shërben parkut.

“Trupi i një burri 46-vjeçar u gjet mbrëmë pranë Kristëll Repids (Crystal Rapids), përgjatë lumit Kolorado (Colorado) në veri të Arizonës”, njoftoi autoriteti i parkut.

Pamjet e filmuara nga alpinistët tregonin një rrëke uji me baltë që vërshonte përgjatë shtigjeve dhe nën shëtitore, me trungje dhe mbeturina të tjera që mbarteshin nga lumenjtë e fryrë, të shoqëruara nga një gjëmim i fortë.

Shërbimi i Parkut Kombëtar tha se po punon me autoritetet e Arizonës për të evakuuar njerëzit dhe për të gjetur të zhdukurit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit