SHBA-ës | GJENET E EMBRIONEVE NJERËZORE U MODIFIKUAN PËR HERË TË PARË ME SAKTËSI PËR TË RIPARUAR GABIMET QË SHKAKTOJNË SËMUNDJE.

Qyteti i Jorkut të Ri, Amerikë | Me një saktësi të paparë, gjenet e embrioneve njerëzore në fazat e hershme të zhvillimit janë modifikuar për të korrigjuar defektet që shkaktojnë sëmundje.

Kjo është hera e parë që ndodh kjo, falë një teknike të re që modifikon bazat individuale të ADN-së, shkronjat individuale në të cilat është shkruar kodi gjenetik, si një lloj korrektori molekular.

Eksperimenti është një provë e parimit, që synon të demonstrojë efikasitetin e teknikës, por është ende shumë larg zbatimeve të mundshme klinike.

Rezultati u mor në Universitetin e Kolumbias në Jorkun e Ri dhe është online në platformën bioRxiv, e cila pret artikuj që ende nuk janë paraqitur në komunitetin shkencor.

Hulumtimi koordinohet nga gjenetisti Dieter Egli i Kolumbias, por disa dyshime ngrenë faktin se midis autorëve janë përfaqësues të kompanisë Genomic Prediction, e cila specializohet në testimin gjenetik prenatal.

“Një nga pikat e forta të studimit është rigoroziteti i tij metodologjik”, tha gjenetisti Xhuzepe Noveli (Giuseppe Novelli) i Universitetit të Romës.

Metoda e re, e quajtur Abe (Adenine Base Editor), është një evolucion i Crispr, gërshërëve molekularë që presin ADN-në për të futur sekuenca të reja.

Abe është më shumë si një laps që redakton shkronja individuale dhe se redaktimi ndodh pa thyer fijet e ADN-së.

Një tjetër gjetje e rëndësishme është se nuk ndodhin ndryshime gjenetike as në segmente të vogla të ADN-së (aneuploiditë segmentale).

Kjo është klinikisht e rëndësishme sepse aneuploiditë janë një shkak kryesor i dështimit të zhvillimit embrional.

Një aspekt tjetër pozitiv është gjetja e një mënyre për të programuar ndalimin e zhvillimit embrional.

Megjithatë, ka disa çështje kritike për t'u kapërcyer.

Një prej tyre është problemi i mozaikizmit, me bashkëjetesën e qelizave të shëndetshme dhe të pashëndetshme.

Për më tepër, mostra është ende shumë e vogël për të nxjerrë përfundime statistikisht të besueshme.

Është gjithashtu shqetësuese që tre nga autorët e studimit janë të lidhur me një kompani.

Së fundmi, ka çështje etike sepse kërcimi nga demonstrimi teknik në zbatimin klinik kërkon një debat që nuk është vetëm shkencor.

Jemi larg një zbatimi të mundshëm tek njerëzit; kemi ende shumë për të mësuar rreth biologjisë së embrionit, dhe këto nxitime përpara shërbejnë vetëm për të nxitur debatet.

Vetë Dieter Eglii sqaroi se teknika e re do të ketë nevojë për përsosje të mëtejshme.

“Nuk po themi se do të jetë e mundur ta përdorim klinikisht nesër”, shkroi shkencëtari Dieter Eglii në artikull, duke saqruar se teknika e re do të ketë nevojë për përsosje të mëtejshme.

Për këtë arsye, ai bën thirrje për një debat publik mbi avantazhet dhe disavantazhet e redaktimit të ADN-së embrionale.

“Si shkencëtar ju mund të jepni të dhënat për t'i diskutuar, por pastaj, në thelb, puna juaj mbaron aty dhe ju ua lini punën të tjerëve”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit