SHBA: SHQETËSIM I MADH PËR KORENË E JUGUT.

Uashington, Amerikë | “SHBA ka një shqetësim të madh për Korenë e Jugut pasi presidenti Yoon Suk Yeol shpalli gjendjen ushtarake dhe dëshiron një zgjidhje që ndjek shtetin e ligjit”, tha zëvendës sekretari i Shtetit Kërt Kampbell (Kurt Campbell).

“Ne po i shohim me shqetësim të madh zhvillimet e fundit në Korenë e Jugut”, tha ai.

“Ne kemi çdo shpresë dhe pritshmëri që çdo mosmarrëveshje politike do të zgjidhet në mënyrë paqësore dhe në përputhje me sundimin e ligjit”, shtoi ai.

“Aleanca jonë me Korenë e Jugut është e hekurt dhe mbetet e pandryshuar”, tha zëvendës-zëdhënësi i Departamentit të Shtetit, Vedant Patel, në një konferencë për shtyp në lidhje me kaosin në vend.

“Shpresojmë që gjithçka të zgjidhet në mënyrë paqësore”, shtoi ai.

Shtetet e Bashkuara thanë se nuk kishin marrë asnjë paralajmërim nga Koreja e Jugut se presidenti Yoon Suk Yeol do të shpallte gjendjen ushtarake në një vend që është një nga aleatët më të ngushtë të Uashingtonit.

“Shtetet e Bashkuara nuk u njoftuan paraprakisht për këtë njoftim. Ne jemi shumë të shqetësuar nga zhvillimet që po shohim në terren”, thuhet në një deklaratë nga Këshilli i Sigurisë Kombëtare i Shtëpisë së Bardhë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit