SEKRETARI I PËRGJITHSHËM I ORGANIZATËS SË KOMBEVE TË BASHKUARA ANTONIO GUTERRES: SHBA-ës DHE IZRAELI DUHET T’I JAPIN FUND LUFTËS; IRANI DUHET TË HAPË NGUSHTICËN E HORMUZIT.

Bruksel, Mbretëria e Belgjikës | “Mesazhi im për ShBA-ës dhe Izraelin është se është koha për t'i dhënë fund kësaj lufte, e cila, rrezikon të dalë plotësisht jashtë kontrollit, me një ndikim vërtet dramatik në ekonominë botërore, veçanërisht për vendet në zhvillim.

Iranit, i them: ndaloni së sulmuari fqinjët tuaj dhe hapni Ngushticën e Hormuzit”.

Kështu tha Sekretari i Përgjithshëm i Organizatës së Kombeve të Bashkuara, Antonio Guterres - gjatë një konference për shtyp me Presidentin e Këshillit Evropian, Antonio Kosta (Costa).

“Është koha që diplomacia të triumfojë, është koha që forca e ligjit të triumfojë mbi ligjin e forcës”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit