REPUBLIKA FEDERATIVE E BRAZILIT | PRESIDENTI LUIZ INACIO LULA DA SILVA: NGA FIDEL KASTRO MËSOVA TË MARR DHE TË MBAJ PUSHTETIN TRE MANDATE POR EDHE TË KËRKOJ MANDATIN E KATËRT.

Brasilia, Republika Federative e Brazilit | Presidenti Luiz Inacio Lula da Silva kujtoi motivimin dhe mençurinë që Fidel Kastro përfaqësoi në jetën e tij politike në një mesazh drejtuar tubimit ndërkombëtar në Havanë që shënon 100-vjetorin e lindjes së ish-diktatorit të kuq kuban.

“Nëse sot po e udhëheq presidencën e Brazilit për herë të tretë, kjo është falë inkurajimit dhe mençurisë së Fidel Kastros”.

Kështu kumtoi presidenti Lula në letrën e lexuar nga intelektuali dhe teologu brazilian Frei Betto gjatë takimit “Fidel: Trashëgimia dhe e Ardhmja”.

Në mesazhin e tij, presidenti Lula iu drejtua popullit kubanez me të njëjtin mesazh force dhe shprese, duke shprehur shpresën e tij se vëllazëria dhe drejtësia do të vazhdojnë përballë vështirësive.

Presidenti brazilian, i cili kërkon një mandat të katërt, pati një marrëdhënie personale me ish-diktatorin Kastro për dhjetëvjeçarë të tërë.

Pas vdekjes së ish-diktatorit kuban në vitin 2016, ai e kujtoi atë si një vëlla më të madh dhe e përshkroi marrëdhënien e tyre si të dashur dhe intensive, të bazuar në kërkimin e rrugëve për emancipimin e popujve të tyre përkatës.

Presidenti Lula dikur ka studiuar në ish-shkollën marksiste-leniniste të ish-Partisë së Punës në Tiranë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit