REPUBLIKA FEDERATIVE E BRAZILIT | KANDIDATI PRESIDENCIAL FLAVIO BOLSONARO: BURGJE SI ATO TË SALVADORIT PËR TË SHTYPUR KRIMINELËT ORDINERË.

Brasilia, Republika Federative e Brazilit | Një sistem burgjesh i ngjashëm me atë të Salvadorit dhe kastrimi i përdhunuesve janë dy nga shtyllat e propozimit për sigurinë publike të paraqitur nga kandidati presidencial brazilian i krahut të djathtë Flavio Bolsonaro.

“Brazili ka nevojë për guxim. Ne do të rimarrim kontrollin e burgjeve ku qeveria ka humbur të gjithë autoritetin. Nuk mund të ketë tolerancë për kriminelët”.

Kështu tha djali i ish-presidentit Jair Bolsonaro gjatë një aktiviteti në Shën Pal (São Paulo).

Ai tha se, nëse zgjidhet, do të ndërtonte pesë burgje federale me siguri maksimale të quajtura “Trevas” (Errësirë), ku të burgosurit do t'i nënshtroheshin një regjimi jashtëzakonisht të ashpër.

Platforma e tij, e quajtur “Brazili pa Frikë”, bën thirrje gjithashtu që ata që janë dënuar për sulm seksual, përveç kastrimit kimik, të mos u ulen dënimet dhe të regjistrohen në një regjistër kombëtar.

Ai mbrojti mundësinë e gjykimit penal të të miturve që në moshën 14 vjeç për krime të tilla si vrasje dhe trafik droge.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit