REPUBLIKA FEDERALE E GJERMANISË | NJË RRUGË DO TË EMËROHET SIPAS MEMORIALIT NDËRKOMBËTAR TË HOLOKAUSTIT JAD (YAD) VASHEM NË JERUSALEM.

Berlin, Republika Federale e Gjermanisë | “Në lagjen qeveritare të Berlinit, një pjesë e Dorotheenstrasse do të emërohet sipas Memorialit Ndërkombëtar të Holokaustit, Jad (Yad) Vashem, në Jerusalem”.

Kështu raportoi agjencia vendore e lajmeve “Dpa” (Deutsche Presse-Agentur).

“Data e planifikuar e inaugurimit është 20 janari i vitit 2027, 85-vjetori i Konferencës së Wannsee-s”, tha një zëdhënëse e Senatit.

Gjatë Konferencës së Vanzi-së (Wannsee) në vitin 1942, zyrtarë të lartë nazistë diskutuan shfarosjen sistematike të deri në njëmbëdhjetë milionë hebrenjve evropianë.

Qëllimi i takimit ishte përshpejtimi i zbatimit të gjenocidit.

Kryetari i bashkisë së Berlinit, Kai Vegner (Wegner), deklaroi se riemërtimi do t'i jepte memorialit Jad (Yad) Vashem një vend të veçantë në zemër të lagjes qeveritare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit