PROKURORIA E POSAÇME KUNDËR KORRUPSIONIT DHE KRIMIT TË ORGANIZUAR PO HETON PASURITË MATERIALE DHE JO-MATERIALE TË ZV/KRYEMINISTRES DHE MINISTRES SË INFRASTRUKTURËS DHE ENERGJISË BELINDA BALLUKU.

Tiranë, Shqipëri | Prokuroria e Posaçme kundër Korrupsionit dhe Krimit të Organizuar (SPAK) po heton të gjitha shoqëritë që kanë fituar tendera të ndërtimit rrugëve, të cilat, dyshohen se janë paracaktuar nga Zv/Kryeministrja dhe Ministrja e Infrastrukturës dhe Energjisë, Belinda Balluku.

Po hetohen pasuritë materiale dhe jo-materiale të:

1- Zv/Kryeministres Balluku dhe të subjekteve të tjerë të lidhur me të.

Prokuroria e Posaçme (SPAK) ka kërkuar leje në Kuvendin e Republikës së Shqipërisë për arrestimin e saj.

Këshilli i Mandateve dhe Imuniteteve pritet të mblidhet për shqyrtimin e kërkesës proceduriale penale në datën 23.02.2026.

Prokurorët e Posaçëm kanë sekuestruar dokumente në të gjitha shoqëritë tregtare dhe po verifikojnë të gjithë tenderat, librat e shitblerjeve apo dokumenta të tjera që lidhen me veprimtarinë e tyre tregtare.

Po hetohen shoqëritë tregtare:

1- “Nova Construction”, e z. Ilir Shfufi.

2- “Gjoka” e z. Rrok Gjoka.

3- “Alko Impex” e z. Arbër Abazi (nipi i ish-deputetit të subjektit politik pushtet-mbajtës Partia Socialiste e Shqipërisë, Sadri Abazi).

4- “Salillari” e z. Pëllumb Salillari.

5- “Geci” e z. Ramë Geci.

6- “Gener 2”, e z. Bashkim Ulaj.

7- Etj, …

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit