___.png)
PROKURORIA: ARREST SHTËPIE PËR ERVIN MUÇËN | AKUZOHET SE KA EKSPORTUAR TË DHËNAT E SISTEMIT TIMS.
- Agjencia Telegrafike Vox
- Apr 9, 2024
- 3 min read
Tiranë, Shqipëri | Prokuroria pranë Gjykatës së Juridiksionit të Përgjithshëm Tiranë ka kërkuar që ndaj z. Ervin Muça, me detyrë drejtor i IT-së në Policinë e Shtetit, të shqiptohet masa e sigurimit personal “arrest shtëpie” + një tjetër masë e parashikuar nga legjislacioni procedurial penal.
Ai akuzohet se ka eksportuar të dhënat e sisitemit TIMS.
Njoftim | Prokuroria pranë Gjykatës së Shkallës së Parë të Juridiksionit të Përgjithshëm Tiranë, kërkon masë sigurie “Arrest në shtëpi” dhe “Pezullimin e ushtrimit të një detyre a shërbimi publik”, parashikuar nga nenet 237, 242 të Kodit të Procedurës Penale për shtetasin Ervin Muça, i dyshuar për kryerjen e veprës penale të parashikuar nga neni 192/b/2 i Kodit Penal “Hyrje e paautorizuar kompjuterike”.
Drejtoria e Përgjithshme e Policisë së Shtetit ka referuar materialin procedural regjistruar me nr. 9866, datë 01.09.2023 për veprën penale të “Shpërdorimit të detyrës”, si dhe “Hyrja e Paautorizuar Kompjuterike”, parashikuar nga nenet 248 dhe 192/b të Kodit Penal.
Po kështu, me shkresën nr. 2482 prot, datë 08.08.2023 Agjencia e Mbikqyrjes Policore ka përcjellë material hetimor, protokolluar me nr. 10898, datë 08.08.2023, për vlerësim dhe është regjistruar procedimi penal nr. 5404, datë 01.09.2023.
