PRESIDENTJA E KOMISIONIT TË BASHKIMIT EVROPIAN URSULA VON DER LEIEN (LEYEN): MBËSHTETJE E PLOTË PËR PRESIDENTIN VOLODIMIR ZELENSKI; LUFTA ËSHTË NË NJË FAZË MË TË ERRËT.

Bruksel, Mbretëria e Belgjikës | Presidentja e Komisionit të Bashkimit Evropian Ursula von der Leien (Leyen), tha se pati një bisedë të mirë me presidentin Volodimir Zelenski.

“E mbështeta plotësisht thirrjen e presidentit Zelenski për një armëpushim për të mbrojtur furnizimet botërore ushqimore dhe infrastrukturën energjetike në Ukrainë dhe Rusi”, - tha presidentja Ursula von der Leien (Leyen).

“Lufta ka hyrë në një fazë të re, më të errët.

Rusia është bllokuar në fushën e betejës dhe po synon civilët larg vijave të frontit.

Kam shprehur solidaritetin tonë me popullin ukrainas.

Dhe mbështetjen time të plotë për presidentin Zelenski, i cili po udhëheq luftën për lirinë e popullit të tij.

Ukraina do të jetë në zemër të Këshillit Evropian të kësaj jave.

Do të diskutojmë nevojat e saj financiare për vitin e ardhshëm dhe si të mobilizojmë ndihmë të re globalisht.

Këtë javë, BE do të sigurojë gjithashtu fonde shtesë për dronë dhe raketa, për të forcuar mbrojtjen e Ukrainës dhe për të mbrojtur qiellin e saj”.

Kështu tha presidentja Ursula von der Leien (Leyen), duke shtuar se dy grupe të tjera kapitujsh pritet të hapen gjithashtu në negociatat e pranimit të Ukrainës në Bashkimin Evropian.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit