PRESIDENTJA E KOMISIONIT EVROPIAN URSULA VON DER LEIEN (LEYEN): DO TË KRIJOJMË NJË GRUP PUNE PËR TË PËRMBLEDHUR KËRKESËN PËR ENERGJI TË BASHKIMIT EVROPIAN.

Bruksel, Mbretëria e Belgjikës | “Në përgjithësi, importet e lëndëve djegëse fosile i kanë kushtuar Evropës 100 miliardë euro shtesë që nga fillimi i luftës në Iran.

Ne të gjithë po e ndiejmë ndikimin e rritjes së kostove të energjisë.

Dhe situata mund të përkeqësohet me afrimin e dimrit.

Prandaj duhet të veprojmë tani.

Për të mbrojtur ata që kanë më shumë nevojë”.

Kështu tha presidentja e Komisionit Evropian Ursula von der Leien (Leyen) në fjalimin e saj në seancën plenare të Parlamentit Evropian, duke njoftuar nisjen e një task force të re për kërkesën agregate në Evropë.

“E kemi bërë këtë më parë. Kur Rusia u përpoq të na shantazhonte, ne mblodhëm blerësit evropianë.

Lidhur me emergjencën energjetike, në afat të shkurtër, ne duhet t'i mbështesim Shtetet Anëtare në mënyrë që ato të përballen me presionet e menjëhershme.

Roli ynë është t'u ofrojmë Shteteve Anëtare mjetet dhe fleksibilitetin që u nevojitet për t'u përgjigjur.

Kjo është arsyeja pse në prill, pikërisht në fillim të mbylljes së Ngushticës së Hormuzit, ne prezantuam një Kornizë të Përkohshme të Ndihmës Shtetërore.

Mbështetja duhet të jetë e synuar; jo ndihmë e përgjithshme, sepse kjo do të rriste kostot, por mbështetje e synuar dhe efektive për ata që kanë vërtet nevojë për të” - tha presidentja von Leien (Leyen).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit