PRESIDENTJA E KOMISIONIT EVROPIAN URSULA VON DER LEIEN (LEYEN): BUDAPESTI KA BËRË REFORMA; LE T’I JAPIM 4.2 MILIARDË €.

Bruksel, Mbretëria e Belgjikës | “Hungaria ka ndërmarrë masa të rëndësishme për të forcuar sundimin e ligjit dhe për të mbrojtur interesat financiare të Unionit.

Dhe reformat po japin fryte.

Sot, ne po propozojmë të zhbllokojmë 4.2 miliardë euro dhe të rihapim dyert e Erasmus+ dhe Horizon Europe për studentët dhe studiuesit hungarezë.

Jam shumë e kënaqur që ata mund të përfitojnë përsëri plotësisht nga mundësitë e ofruara nga Bashkimi ynë”.

Kështu tha presidentja e Komisionit Evropian Ursula von der Leien (Leyen).

Komisioni Evropian i propozoi sot Këshillit të heqë masat mbrojtëse të miratuara në vitin 2022 kundër Hungarisë sipas Rregullores së Kushtëzimit, pasi konsideron se Hungaria ka korrigjuar shkeljet e sundimit të ligjit që ndikojnë në buxhetin e BE-së.

Nëse miratohet nga Këshilli, propozimi do të rivendosë 4.2 miliardë euro në angazhime të pezulluara sipas politikës së kohezionit dhe do të rivendosë aksesin në programet Erasmus+ dhe Horizon Europe për studentët dhe studiuesit në universitetet e drejtuara nga fondacionet hungareze me interes publik.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit