PRESIDENTI ZELENSKI: DUHET TË GODASIM THELLË NË TERRITORIN RUS | AMERIKA DUHET TË BESOJË MË SHUMË TE NE.

Kiev, Ukrainë | Ukraina duhet të jetë në gjendje të përdorë armë të fuqishme me rreze të gjatë të afta për të goditur objektiva thellë brenda territorit rus.

Presidenti ukrainas, Volodimir Zelenski, e tha këtë në një intervistë ekskluzive me gazetën britanike Rojtari (The Guardian), pas lajmeve se Shtëpia e Bardhë ka autorizuar Kievin të përdorin armë amerikane në territorin rus, por jo në distancë të gjatë dhe vetëm në zonën afër Kharkivit.

“Shtetet e Bashkuara duhet të besojnë më shumë tek ne”, tha presidenti Zelensky.

Pa këtë dritë jeshile - shtoi udhëheqësi ukrainas - aleatët e tjerë si Mbretëria e Bashkuar gjithashtu mund të mos lejojnë që Kievi të përdorë armët e tyre me rreze të gjatë.

“Na besoni, ne duhet të përgjigjemi. Ata nuk kuptojnë gjë tjetër veç forcës. Ne nuk jemi objektivi i parë dhe as i fundit i Rusisë”, tha ai.

Duke folur në selinë e tij në Kiev, presidenti Zelenski e bëri të qartë se donte të përdorte armë me rreze të gjatë, si raketat Storm Shadow, të prodhuara në Mbretërinë e Bashkuar.

Ai saktësoi se Londra, ndryshe nga sa raportonin mediat, nuk kishte dhënë “100% leje” për ta bërë këtë.

Presidenti Zelenski theksoi gjithashtu se vonesa e presidentit të SHBA Xhëu Baidn (Joe Biden) në autorizimin e përdorimit të armëve perëndimore kundër objektivave në Rusi do të thotë që forcat ruse talleshin me Ukrainën.

“Një vonesë që kushtoi jetë njerëzore - shtoi ai - duke i kërkuar presidentit Baidn (Biden) të kapërcejë shqetësimet e tij të përhershme për një përshkallëzim të mundshëm bërthamor me Moskën.”

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Want to read more?

Subscribe to 007vox.com to keep reading this exclusive post.

Subscribe Now