PRESIDENTI I REPUBLIKËS SË ITALISË SERXHO MATARELA (SERGIO MATTARELLA) I DREJTOI MESAZH PAPA LEO XIV-të: JU SIGUROJMË PËR ANGAZHIMIN E ITALISË PËR TË NXITUR BASHKËJETESËN MIDIS POPUJVE.

Romë, Itali | “Në këtë moment historik, në të cilin një pjesë e madhe e botës është shkatërruar nga konflikte çnjerëzore, ku mbi të gjitha të pafajshmit vuajnë pasojat më të ashpra të një barbarie të tillë, dëshiroj t'ju siguroj për angazhimin e Republikës Italiane për të ndjekur marrëdhënie gjithnjë e më të forta me Selinë e Shenjtë, për të vazhduar të promovojë një vizion të botës dhe të bashkëjetesës midis popujve të bazuar në paqe, në garantimin e të drejtave të paprekshme dhe të dinjitetit e lirisë për të gjithë njerëzit.

Ajo paqe që Shenjtëria Juaj e evokoi me forcë në mesazhin tuaj të parë nga lozha e Shën Pjetrit dhe që është shpresa e gjithë njerëzimit”.

Kjo është ajo që lexojmë në mesazhin që presidenti i Republikës së Italisë Serxho Matarela (Sergio Mattarella) i dërgoi Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit