SIRI | PRESIDENTI I PËRKOHSHËM AHMED AL-SHARAA BËRI THIRRJE PËR ARMËPUSHIM SI PJESË E NJË MARRËVESHJEJE ME KREUN E FORCAVE KURDE.

Damask, Siri | Presidenti i përkohshëm sirian Ahmed al-Sharaa bëri thirrje për një armëpushim si pjesë e një marrëveshjeje me kreun e forcave kurde dhe njoftoi se marrëveshja përfshin integrimin e forcave kurde në ushtrinë e Damaskut.

Marrëveshja për Sirinë - raportojnë mediat vendore - përcakton që kurdët do t'ia dorëzojnë menjëherë administrimin e Deir Ezzor-it dhe Rakës shtetit; dhe se, qeveria do të marrë përgjegjësinë për të burgosurit e ISIS-it dhe familjet e tyre.

Megjithatë, Presidenti i përkohshëm al-Sharaa, duke u takuar me të dërguarin e ShBA-ës Tom Berrek (Barrack), këmbënguli në sovranitetin e Damaskut mbi të gjithë vendin, ndërsa forcat e tij përparojnë kundër luftëtarëve kurdë që po tërhiqen në veri dhe lindje.

“Presidenti i përkohshëm al-Sharaa riafirmoi unitetin dhe sovranitetin e Sirisë mbi të gjithë territorin e saj, rëndësinë e dialogut në këtë fazë dhe nevojën për të rindërtuar Sirinë me pjesëmarrjen e të gjithë sirianëve”.

Kështu thuhet në një deklaratë nga presidenca; duke shtuar se në takim mori pjesë edhe Ministri i Jashtëm Asaad al-Shaibani.

“Një ditë më parë, në Erbil, i dërguari i ShBA-ës Berrëk (Barrack) ishte takuar me Mazlum Abdiun (Mazloum Abdi), kreun e Forcave Demokratike Siriane të udhëhequra nga kurdët”.

Kështu u tha në një deklaratë nga presidenca e rajonit autonom të Kurdistanit Irakian.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit