PARLAMENTI I PERUSË HODHI POSHTË NJË PROPOZIM PËR TË KRIJUAR REZERVËN JAVARI (YAVARI) MIRIM TË AMAZONËS KU HAMENDËSOHET SE JETOJNË NË PRIMITIVITET DHE NË VETËIZOLIM RRETH 20 FISE INDIGJENE.

Limë, Peru | Parlamenti i Perusë ka hedhur poshtë një propozim për të krijuar Rezervën Javari (Yavari) Mirim të Amazonës, në rajonin verilindor të Loretos, e projektuar për të mbrojtur pesë fise indigjene në vetë-izolim në kufirin me Brazilin.

Vendimi, i miratuar me tetë vota kundër dhe pesë kundër, shkaktoi kritika të ashpra nga organizatat indigjene, të cilat, e quajnë atë një shkelje serioze të të drejtave dhe një qeveri të lidhur me kompanitë e prerjes së pyjeve, naftës dhe minierave.

Rezerva, e cila, mbulon 11700 kilometra katrorë (4500 milje katrorë), do të kishte garantuar për herë të parë mbrojtje për komunitetet shumë të ndjeshme ndaj sëmundjeve dhe shfrytëzimit, siç janë Matses-ët, të cilët numërohen afërsisht në 3300 frymë; Koruno-t dhe Marubo-t, më pak se 2000 që jetojnë përtej kufirit midis Brazilit dhe Perusë; dhe Remo (Isconahua).

Vlerësohet se ka 20 popuj indigjenë të pakontaktuar në Peru, të gjithë që jetojnë në rajonet më të largëta të pyllit tropikal të Amazonës.

Kundërshtarët e rezervës argumentojnë se zona e mbrojtur do të bllokonte zhvillimin ekonomik dhe se nuk ka prova të mjaftueshme për praninë e fiseve të pakontaktuara.

Organizatat indigjene kanë njoftuar tashmë veprime të reja ligjore dhe akuzojnë Parlamentin për shpërfillje të detyrimeve ndërkombëtare mjedisore dhe humanitare.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit