PAPA LEO XIV-të: NJË PRIND I MIRË DUHET TË DIJË EDHE TË THOTË JO; E NJËJTA GJË VLEN EDHE PËR MËSUESIT ME NXËNËSIT.

Vatikan | Papa Leo XIV-të na fton të qëndrojmë besnikë ndaj së vërtetës në bamirësi, edhe nëse kjo mund të ketë një kosto.

“Le të mendojmë, për shembull, për çmimin që duhet të paguajë një prind i mirë”, tha Papa Leo XIV-të në Engjëll (Angelus) nga Kastel (Castel) Gandolfo, nëse dëshiron t’i rrisë mirë fëmijët e tij, sipas parimeve të shëndosha.

“Herët a vonë ai do të duhet të dijë të thotë jo disa herë; të bëjë disa korrigjime dhe kjo do t’i kushtojë vuajtje.

E njëjta gjë vlen edhe për një mësues që dëshiron t’i edukojë siç duhet nxënësit e tij, për një profesionist, një person fetar, një politikan, që synon ta kryejë misionin e tij me ndershmëri dhe për këdo që përpiqet të ushtrojë përgjegjësitë e tij me vazhdimësi, sipas mësimeve të Ungjillit”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit