PALERMO | PATRICIA (PATRIZIA) MESSINA DENARO U LIRUA PASI KREU 14 VJET BURG E AKUZUAR PËR BASHKËPUNIM ME MAFIEN; AJO ËSHTË MOTRA E SHEFIT TË MAFIES SIÇILIANE MATTEO MESSINA DENARO.

Palermo, Itali | Znj. Patricia (Patrizia) Messina Denaro, 55 vjeçe, është liruar pasi vuajti një dënim penal prej 14 vitesh e gjysmë në burgun Vigevano-Pavia.

Ajo ishte arrestuar në vitin 2013.

“Ajo di sekretet e shefit”, raporton enti mediatik “Repubblica online”, dhe menaxhoi sistemin e ndërlikuar të komunikimit të mafiozit, i arrestuar në vitin 2023 - pas tridhjetë vjetësh në arrati.

Ajo ishte dënuar për lidhje me mafian dhe zhvatje.

Gjykimi rrjedh nga një hetim i dhjetorit 2013 që hodhi dritë mbi rrjetin e kolonelëve dhe ndihmësve të shefit të arratisur, duke zbuluar rolin e motrës së tij, e cila, në mungesë të bashkëshortit të saj të burgosur, mbante frenat e organizatës.

Kontrollet në agim të 13 dhjetorit në Kastelvetrano gjetën të arratisurin e fundit të fuqishëm mafioz, Matteo Messina Denaro, i cili ishte 51 vjeç në atë kohë.

Ai ishte kërkuar që nga viti 1993 për lidhje me mafian, vrasje, masakër, shkatërrim, posedim dhe mbajtje eksplozivësh dhe vjedhje.

Tridhjetë persona u arrestuan, përfshirë motrën e kumbarit, Patrician (Patrizia), nipin Françesko (Francesco) Guttadauro, kushërinjtë Xhovani (Giovanni) Filardo, Lorenco Çimarosa (Lorenzo Cimarosa) dhe Mario Messina Denaro, si dhe sipërmarrës, profesionistë dhe zyrtarë publikë, të gjithë të akuzuar për favorizim të kompanive të ndërtimit që në një farë mënyre ishin të lidhura me shefin e arratisur.

Hetuesit zbuluan disa fije në rrjetin e gjerë të miqësive, bashkëpunimeve dhe lidhjeve të biznesit që e bënë klanin Messina Denaro më të fuqishmin ekonomikisht të mafies siçiliane.

Znj. Patricia (Patrizia) Messina Denaro u përcillte mesazhe nga kumbari anëtarëve të tjerë të klanit, duke menaxhuar aktivitetet e tyre kriminale.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit