NË REPUBLIKËN POPULLORE TË KINËS U EKZEKUTUAN 11 DËNIME PENALE ME VDEKJE PËR ANËTARËT E FAMILJES “MING” + TË TJERË TË LIDHUR ME MASHTRIME FINANCIARE NË MIANMAR.

Pekin, Republika Popullore e Kinës | “Kina ka ekzekutuar 11 veta të lidhur me mashtrime në Mianmar”.

Kështu raportoi agjencia shtetërore e lajmve “Xinhua” - duke shtuar se dënimi me vdekje u zbatua edhe kundër anëtarëve kryesorë të organizatave kriminale aktive në sektorin e telekomunikacionit.

“Ekzekutimet u kryen nga një gjykatë në qytetin Uenzhou (Wenzhou), provinca Zhejiang, pasi morën miratimin nga Gjykata Supreme e Popullit”, tha agjencia. në fjalë.

“Krimet e të ekzekutuarve përfshinin vrasje me dashje, plagosje me dashje, ndalim të paligjshëm, mashtrim dhe funksionim kazinoje”, thuhet në raport.

Dënimet me vdekje u miratuan nga Gjykata Supreme e Popullit e Pekinit, e cila, përcaktoi se provat e paraqitura për krimet e kryera që nga viti 2015 ishin bindëse dhe të mjaftueshme.

Midis të ekzekutuarve ishin anëtarë të grupit kriminal të familjes “Ming”, aktivitetet e të cilit kishin kontribuar në vdekjen e 14 qytetarëve kinezë dhe plagosjen e shumë të tjerëve.

“Të afërmve të kriminelëve u lejua t'i takonin ata para ekzekutimit”, u tha në raportin mediatik.

Komplekset mashtruese ndodhen në zonat kufitare pa ligj të Mianmarit, pjesë e një industrie të paligjshme prej shumë miliardë dollarësh.

Qendrat zakonisht drejtohen nga të huaj, përfshirë shumë kinezë, shumë prej të cilëve, pretendojnë se janë trafikuar dhe janë detyruar të mashtrojnë njerëzit në internet.

Në vitet e fundit, Pekini ka rritur bashkëpunimin me vendet e Azisë Juglindore për të goditur komplekset dhe mijëra njerëz janë riatdhesuar në Kinë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit