NJË VIT MË VONË LULE DHE HOMAZHE PËR TË KUJTUAR VDEKJEN E PRIGOZHINIT | MEMORIAL I IMPROVIZUAR NË MOSKË PËR TË LAVDËRUAR GUXIMIN E TIJ.

Moskë, Federata Ruse | Një vit pas vdekjes së tij, rusët e të gjitha moshave, me rroba civile apo uniforma, kremtuan sot kujtimin e z. Jevgeni Prigozhin (Yevgeny Prigozhin), udhëheqësit të grupit paramilitar Wagner, i cili guxoi të sfidonte presidentin Vladimir Putin.

Monumenti i improvizuar ndodhet në një trotuar në Moskë, disa qindra metra larg Kremlinit: lule, trëndafila të kuq dhe të bardhë, janë vendosur në këmbët e një muri plot me foto bardh e zi dhe me ngjyra të njerëzve të Wagner-it që ranë në betejë.

Z. Prigozhin, një ish i burgosur i kthyer në biznesmen pranë Kremlinit, vdiq më 23 gusht 2023 në një aksident avioni në rrethana të paqarta.

Dy muaj më parë, luftëtarët e Wagnerit ishin rebeluar kundër qeverisë dhe kishin marshuar drejt kryeqytetit rus.

I akuzuar për tradhti nga presidenti Vladimir Putin, udhëheqësi i tyre përfundimisht u tërhoq dhe i urdhëroi ata të ktheheshin në kampet e tyre.

Sot ai mbetet i nderuar nga shumë rusë që e shohin atë si një patriot. Vdekja e tij?

“Është një goditje e rëndë për mua”, thotë një burrë me fytyrë të fshehur.

“Ai u përpoq ta tregonte ashtu siç është”, shton ai, duke e quajtur kryengritjen një gabim por duke lavdëruar themeluesin e Wagnerit që guxoi t'i thoshte të vërtetën pushtetit.

I njohur për fjalimet e tij të drejtpërdrejta, z. Prigozhin rekrutoi dhjetëra mijëra burra, shumë prej të cilëve ishin të dënuar, për të luftuar disa nga betejat më të përgjakshme të ofensivës së Rusisë në Ukrainë.

Mijëra luftëtarë nga grupi i tij u vranë në vitin 2023 gjatë betejës për Bakhmut-it në Ukrainën lindore, një sulm që ai e quajti mulli mishi dhe që përfundoi në shkatërrimin e plotë të këtij qyteti.

“Për mua është guxim, karizëm, heroizëm”, tha z. Aleksi (Alexei) Bogomolov, një student 23-vjeçar që qëndronte përpara memorialit.

“Dhe sa i përket z. Prigozhin, për të qenë i sinqertë, besoj me gjithë zemër se ai është ende gjallë”, tha ai.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit