NJË TJETËR VRASJE POLITIKE TRONDIT EKUADORIN.

Kuito, Ekuador | Ishte Pedro Briones, eksponent i subjektit politik “Revolucion Ciudadana”, partia e krahut të majtë të ish-presidentit Correa, ai që ra viktimë e një sulmi me armë të ftohtë.

Dhuna politike tani ka arritur një pikë kthese në Ekuador. Pas eleminimit fizik të Fernando Villaviçensios (Fernando Villavicencio), kandidat i qëndrës në zgjedhjet presidenciale, të planifikuara për më 20 gusht 2023, gjaku ende rrjedh në qendrat e votimit: dy vrasës me motoçikleta vranë gjithashtu z. Pedro Briones, një anëtar i subjektit politik “Revolucion Ciudadana”, krahu i majtë i ish-presidentit Correa.

Prita u ngrit në qytetin Esmeraldas, përballë famullisë së Shën Mateut (San Mateo), me një armë prerëse që shkaktoi dy plagë vdekjeprurëse.

Zemërimi dhe shqetësimi në komentet e shokëve të partisë së z. Briones, duke filluar nga kandidatja presidenciale Luisa Gonzalez e cila e dënoi ashpërsisht vrasjen: “Ekuadori po përjeton epokën e tij më të përgjakshme – shkruan ajo. Shteti kontrollohet nga mafiozët”.

Ditët e fundit viktimë e një prite kishte rënë edhe kandidatja në zgjedhjet e radhës për Asamblenë Kombëtare, znj. Estefani Puente (Estephany Puente), por ajo mbeti e padëmtuar.

Në vitin 2022, në Ekuador u regjistruan 25.32 vdekje të dhunshme për 100000 banorë: është shifra më e lartë në historinë e vendit, të mbytur nga plagët e krimit të organizuar, dhe trafikut të drogës.

Nga z. Erton Duka.

© Copyright | Agjencia Telegrafike Vox